Lajme

Brenda këtij viti nis zgjerimi i ngrohtores

Autori: Gazeta inFokus 15:37 | 29 March 2018

Është nënshkruar marrëveshja financiare e grantit për projektin “Programi i sektorit të energjisë, faza 8 dhe 9 – Përmirësimi i ngrohtores së qytetit në Prishtinë”, që kap vlerën prej 10 milionë euro.

Ministri i Financave, Bedri Hamza, tha se nga ky projekt do të përfitojnë të gjithë qytetarët e Prishtinës. Sipas tij, nuk është e largët dita kur nuk do të ketë më pyetje se a kanë ngrohje spitalet apo jo. Ai tha se ky projekt ka kontribuar në uljen e kostos për kryeqytetasit.

Ambasadori i Gjermanisë në Kosovë, Christian Heldt, tha se kjo marrëveshje është rezultat i punës së vazhdueshme.

-Advertisement-

“Kjo është një vazhdimësi e punës së vazhdueshme për një projekt që i prek të gjithë qytetarët e Prishtinës. Qoftë nga përdorimi i energjisë apo lëndëve të ndryshme djegëse që ne në ambasadë e dëgjojmë erën e tymit”, u shpreh Heldt.

Juergen Kern, përfaqësues i KFW, theksoi se angazhimi i tyre me ngrohjen në Prishtinë ka filluar që në vitin 2011.

“Shumica prej jush e mbani në mend tymin e zi që dilte nga tymtarët e Termokosit dhe një tym të tillë nuk jeni duke i parë tash e disa vite. Tash keni ngrohje 24 orë në ditë dhe kemi kënaqshmërinë e qytetarëve në 94 për qind. Subvencionet që kanë për 5.3 milionë tash janë reduktuar në zero për qind”, tha ai.

Nënkryetari i komunës së Prishtinës, Selim Pacolli, tha se Prishtina gradualisht po e merr pamjen e merituar si qytet metropol. Sipas tij, brenda këtij mandati do të dyfishojnë zgjerimin e rrjetit dhe rehabilitimin e tij.

Drejtori i Termokosit, Naser Canolli tha se shumë shpejt, brenda këtij viti do të fillojë zgjerimi i ngrohtores.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy