Lajme

BQK nuk ulë tarifën e sigurimeve por premton lehtësira për sigurimin e veturave

Autori: Gazeta inFokus 18:32 | 19 February 2020

Tarifa 26.6 për qind e sigurimeve të veturave e cilat ishte ngritur vitin e kaluar nuk do të hiqet.

Mirëpo, Banka Qendrore e Kosovës ka premtuar disa lehtësira për qytetarët e Kosovës, shkruan Gazeta inFokus.

Kështu është bërë e ditur në ëeb faqen e “Maraklive të Kerreve”, anëtaret e të cilëvë  janë takuar me guvernatorin, Fehmi Mehmetin.

-Advertisement-

Një ndër benifitet do të jetë ulja tarifës se sigurimeve  për rreth 5 për qind.

“Me nismën tonë, e ndihmën e z. Mehmeti, ne do ta ndryshojmë sistemin Bonus – Malus, gjë e cila do të jetë në të mirë të vozitësve, pra edhe nga kjo do të perfitojnë lehtësim shoferët që nuk shkaktojnë aksidente. Po ashtu pritet që sigurimi i veturës, të kaloj sikur sigurim personal, p.sh në rast aksidenti personi që e shkakton atë, ti bartet atij personalisht shtrenjtimi i sigurimit, e jo veturës. Këtu pritet të hyj edhe mundësia e blerjes së malusit, p.sh kur dikush shkakton aksident mund ta blejë malusin që bonusi të mos i zvogëlohet”, thuhet në postim.

Më poshtë gjeni të plotë postimin./Gazeta inFokus/

Të nderuar antarë të grupit tonë, pëlqyes të kësaj faqe, e mbështetës tanë.

Duke ju falënderuar edhe njëherë për mbështetjen tuaj në protestën e datës 22 nëntor të vitit 2019 ne drejtuam disa kërkesa drejt BQK-së.

Me mbështetjen që patëm ishte e pamundur ulja e rritjes së sigurimit prej 26.6%.

Ne kemi kërkuar publikisht, që afër vetës ta kemi një grup punues të përbërë prej: Një Juristi, një eksperti të sigurimeve, një përfaqësues të shoqërisë civile, të cilët në mënyrë vullnetare të na ndihmonin që ta gjejmë formën më të mirë të lehtësimit, të shtrejtimit të sigurimit por askush nga të lartcekurit nuk është lajmëruar.

E kështu ne do ta vazhdojmë punën vetë, por nën mbështetjen tuaj.

Pas disa takimeve që patëm me Guvernatorin e Bankës Qendrore z. Fehmi Mehmeti, ne morëm mbështetje që do ti qojmë përpara disa çështje të cila do ta lehtësojnë sado pak shtrenjtimin e sigurimit, kështu që ne po i përmendim disa prej tyre.

1. Fillimisht do ta kemi një zbritje të lehtë, rreth 5%.

2. Me nismën tonë, e ndihmën e z. Mehmeti, ne do ta ndryshojmë sistemin Bonus – Malus, gjë e cila do të jetë në të mirë të vozitësve, pra edhe nga kjo do të perfitojnë lehtësim shoferët që nuk shkaktojnë aksidente.

3. Po ashtu pritet që sigurimi i veturës, të kaloj sikur sigurim personal, p.sh në rast aksidenti personi që e shkakton atë, ti bartet atij personalisht shtrenjtimi i sigurimit, e jo veturës. Këtu pritet të hyj edhe mundësia e blerjes së malusit, p.sh kur dikush shkakton aksident mund ta blejë malusin që bonusi të mos i zvogëlohet.

4. Po ashtu, presim që shumë shpejtë ta kalojmë kufirin Kosovë- Maqedoni të Veriut, pa patur nevojë për karton të gjelbër.

5. Edhe #diaspora jonë e dashur pritet që shumë shpejt të lirohet nga Kartoni i Gjelbër, pasi që pritet gjetja e një modaliteti për këtë çështje, në mënyrë që #Diaspora jonë të gjejë mbulesë siguruese brenda policave siguruese nga vendi i origjinës, e jo të ketë pagesë shtesë për sigurim veturash.

6. Është duke u diskutuar edhe mundësia e pagesës së sigurimit, nëpërmjet kësteve.

Ne do të qojmë përpara edhe shumë çështje, për të cilat do të ju njoftojmë me kohë.

Subscribe në YouTube: GAZETA INFOKUSI
Black Friday ne Artmotion

Të tjera