Botërori i “VAR”-it, sa shumë penallti në vetëm 13 ndeshje
Autori: Gazeta inFokus 14:39 | 19 June 2018
Sistemi “Video Assistant Referee” mund të thuhet se ka shkaktuar një revolucion të vërtetë në ndeshjet e para të Botërorit të Rusisë, e këtë e tregojnë shifrat.
Në 13 ndeshjet e para, arbitrat kanë akorduar 8 penallti, duke regjistruar një mesatare prej 0.61 penallti për ndeshje.
Për të parë më mirë efektin që ka pasur sistemi “VAR” është bërë një krahasim me ndeshjet e Botërorëve të mëparshëm.
Në Brazil, shifra e 8 penalltive të akorduara u regjistrua në rreth 26 ndeshje, ndërsa në 2006-n, në Botërorin e Gjermanisë u deshën të luheshin 40 ndeshje që të shënohej shifra e 8 penalltive të akorduara. Mes Brazilit e Gjermanisë është Afrika e Jugut, me 8 penallti të dhëna në 35 sfida.
Ndërhyrja e parë e vërtetë e “VAR”-it u pa në ndeshjen mes Francës e Australisë, në penalltinë e fituar e të ekzekutuar saktë nga Griezmann, që i dha avantazhin 1-0 skuadrës së Deschamps.
Ndërhyrja e sistemit “VAR” u desh edhe në Kroaci-Nigeri, pas një faulli të fituar nga Mandzukiç, e Modriç me qetësinë që e karakterizon e dërgoi topin në rrjetë.
Edhe Peruja e pati mundësinë e saj me një 11-metërsh të fituar pas rënies në zonë të Cuevas. Arbitri verifikoi në ekran episodin, por peruanët e humbën mundësinë e shënimit.
Polemika pati në Suedi-Kore e Jugut. Viktor Claesson ra në zonë, por arbitri vijoi lojën. Koreja nisi sulmin drejt zonës suedeze, kur arbitri kërkoi të verifikojë episodin në “VAR” duke dhënë penallti, diçka që nuk u kontestua nga koreano-jugorët.
Tunizia barazoi përkohësisht rezultatin 1-1 ndaj Anglisë, pas një penalltie të dhënë për një faull nga Ben Youssef. Arbitri i ndeshjes mori konfirmimin nëpërmjet kufjeve nga kolegët e tij.
Sigurisht, jo në të gjitha aksionet është dashur verifikimi i episodeve me “VAR”, por fakti që tashmë ekziston teknologjia, i jep arbitrave një siguri që më parë nuk ekzistonte, pasi kanë mundësi që të rishohin aksionet për të ratifikuar më pas edhe vendimet e tyre.
“VAR” ndryshoi gjithçka. Patjetër që ka ende gabime, por pak nga pak do të implementohet me forcë në panoramën e futbollit botëror.
Të tjera
-
Po shkonin në një konferencë që mbahej për Pashkët, autobusi bie nga shkëmbi, vdesin 45 pasagjerët! Shpëton mrekullisht vajza tetë vjeçare
Dhjetra besimtarë vdiqën pasi një autobus që shkonte për në një konferencë të...
-
Lumir Abdixhku kandidat i LDK-së për kryeministër
Lumir Abdixhku kandidat i LDK-së për kryeministër Kryetarja e Forumit të G...
-
Abazoviq: Vota kundër Kosovës e Malit tw Zi tregon realitet të ri
Ish-kryeministri i Malit të Zi, Dritan Abazoviq ka thënë se vota kundër Kosov...
-
Osmani e Statovci ishin për iftar në mensën e studentëve
Presidentja e vendit, Vjosa Osmani, bashkë me deputeten e Listës Guxo, në gru...
-
Mbahet ankandi elektronik për projektin solar prej 100 MW
Ministria e Ekonomisë do të mbajë ankandin elektronik për projektin e parë so...
-
Sot mblidhen dy komisione të Kuvendit
Komisioni për Buxhet, Punë dhe Transfere, si dhe ai për Administratë Publike,...
-
Nënshkruhet sot marrëveshja Kosovë-Mali i Zi për IPA III
Zëvendëskryeministri Besnik Bislimi dhe ministrja për Çështje Evropiane të Ma...
-
Moti në Kosovë me diell
Për sot në Kosovë parashikohet të mbajë mot kryesisht me diell dhe i ngrohtë....
-
Hamza e sfidon Kurtin për t’u përballur: Kur të don, i garantoj debat të edukuar
I nominuari për kryeministër nga PDK, Bedri Hamza i ka bërë ftesë kryeministr...
-
“Angazhim pas anëtarësimit për Kosovën”| Komiteti i KiE përmend çështjen e Asociacionit, ky është adresimi
Komiteti për Politikë dhe Demokraci i Këshillit të Evropës ka miratuar raport...
-
Liberalizimin e vizave e Këshillin i Evropës, Kurti i cilëson si suksese të qeverisjes së tij
Kryeministri i Kosovës, Albin Kurti e ka lavdëruar qeverisjen e tij për sukse...
-
Nesër Kosova dhe Mali i Zi nënshkruajnë marrëveshje për bashkëpunim ndërkufitar
Nesër nga ora 13:30 Kosova dhe Mali i zi do të nënshkruajnë marrëveshje për P...