Ekonomi

 Borxhi publik po i afrohet 1 miliardëshit

Autori: Gazeta inFokus 11:18 | 26 July 2017

Borxhi Publik i Kosovës po i afrohet 1 miliardëshit duke rënduar edhe më shumë situatën ekonomike në vend.

Në raportin e fundit të ministrisë së Financave shihet se në fund të vitit që lamë pas borxhi ka arritur në 852 milionë euro, por rritje të borxhi ka pasur edhe në muajt e parë të këtij viti, raporton infokusi.com.

Në raportin e MF-së thuhet se në fund të vitit 2014 Borxhi i Përgjithshëm shënonte shumën 582.87 milion euro dhe krahasuar me shumën nominale të vitit paraprak ishte rritur për 22%, dhe kjo gjithashtu, kryesisht si rezultat i emetimeve të reja të Letrave me Vlerë në shumë prej 104 milion Euro.

-Advertisement-

“Gjithashtu, edhe gjatë vitit 2015 Borxhi i Përgjithshëm u rrit për 28% krahasuar me vitin paraprak, duke shënuar kështu shumën 748.95 milion Euro. Rritja kryesisht rrjedh nga emetimet e reja të Letrave me Vlerë në shumën 121 milion Euro, dhe pranimi i transhit të parë nga Programi i Ri me FMN, i arritur gjatë vitit 2015, në shumën 36 milion Euro. Ndërsa, borxhi në fund të vitit 2016 shënon shumën 852.74 milion Euro, dhe nëse e krahasojmë me shumën nominale të vitit paraprak është rritur për 14%. Kjo rritje rezulton kryesisht nga emetimet e reja të Letrave me Vlerë në shumën prej 101 milion Euro”thuhet në raportin e FM-së, raporton infokusi.com / INFOKUSI

Subscribe në YouTube: GAZETA INFOKUSI
Etiketa:
Shijoni eksperiencën e re të blerjes në Meridian Express x EXFIS!
-Advertisement-

Të tjera

Fokusi

ekonomi