Lajme

“Borrell, i parehatshëm: Ai është i detyruar të mbrojë pavarësinë e Kosovës”

Autori: Gazeta inFokus 23:24 | 26 April 2021

Kosova është një çështje e vështirë për Spanjën, por edhe më e vështirë për Josep Borrell, i cili si Përfaqësues i Lartë i Bashkimit Evropian është i detyruar të mbrojë një pozicion në kundërshtim me atë të vendit, qeverisë dhe partisë së tij, që është saktësisht pavarësia e Kosovës.

Kështu e nis artikullin gazeta “El Nacional” në Venezuela.

Tani Borrell nuk mund të bëjë asgjë tjetër veçse të spikasë kur, si zyrtari më i lartë diplomatik i BE-së, ai njeh një vend që deklaroi pavarësinë e vet në mënyrë të njëanshme për të cilën Spanja këmbëngul se nuk ekziston.

-Advertisement-

Në fakt, vetë Borrell tashmë ka njoftuar se do të takohet me kryeministrin e Kosovës, Albin Kurtin.

Ai e bëri këtë pasi mbajti një takim me presidentin serb Aleksandar Vuçiq, i cili bëri thirrje për dialog dhe për të zgjidhur konfliktin midis dy vendeve.

“Unë e inkurajoj Presidentin Vuçiq të vazhdojë në këtë rrugë për të arritur një marrëveshje gjithëpërfshirëse dhe ligjërisht të detyrueshme për normalizimin e marrëdhënieve midis Serbisë dhe Kosovës. Na duhet që procesi të vazhdojë dhe të prodhojë rezultate“, tha ai në një konferencë shtypi pas takimit.

Borrell ka mbrojtur kështu sovranitetin e Kosovës, pasi shumica e anëtarëve të BE-së duan që Serbia t’i japë fund konfliktit duke njohur pavarësinë e vendit.

Siç është thënë, Kosova është mbase një nga makthet më të këqija të Borrell, pasi jo vetëm që e detyron atë të takohet me udhëheqës që qeveria e tij nuk i njeh, por gjithashtu kërkon zgjidhje që ai i ka mohuar sa ishte Ministër i Jashtëm, si në rastin e Katalonjës.

Duhet të mbahet mend se Spanja nuk e njeh Kosovën për shkak të Katalonjës.

Episodi i fundit në lidhje me këtë ndodhi disa javë më parë kur Federata Spanjolle e Futbollit u përpoq të përulte ekipin kosovar në një ndeshje kualifikuese për Kupën Botërore të Katarit, ku TVE vendosi shkronjat vogla të vendit.

Subscribe në YouTube: GAZETA INFOKUSI

Të tjera

Fokusi

lajme