Lajme

Borelli zhvillon bisedë telefonike me presidentin serb Vuҫiq

Autori: Gazeta inFokus 08:50 | 08 June 2022

Përfaqësuesi i lartë i Bashkimit Evropian për Politikë të Jashtme dhe Siguri, Josep Borell ka zhvilluar një bisedë telefonike me presidentin serb Aleksandar Vuҫiq.

Biseda është zhvilluar të martën në mbrëmje, me iniciativë të vet Borellit ndërsa në kohen kur presidenti serb gjendej në Ohër në samitin Open Balkans.

Në llogarinë e tij në Twitter, Borell ka konfirmuar se ai ka iniciuar telefonatën për t’ia bërë më dije bashkëbiseduesit nga Beogradi se pritet një angazhim i rëndësishëm në relacionin bashkimi Evropian-Ballkani Perëndimor.

-Advertisement-

“Ne duam të llogarisim te Serbia si një kandidate të sinqertë dhe partnere të besueshme evropiane për parimet, vlerat, sigurinë dhe prosperitetin e përbashkët”, ka nënvizuar Borrell në llogarinë e tij në Twitter.

Zyrtarët evropian kanë bërë të ditur se biseda është zhvilluar për shkak të asaj që quhet “zhvillimet e fundit”.

Në këtë rrafsh, Peter Stano, zëdhënës i BE-së ka porositur se në kohën e agresionit ushtarak, të paprovokuar dhe të pajustifikuar rus, kundër Ukrainës, BE pret që Serbia, si vend kandidat, të mos forcojë më tej lidhjet e saj me Federatën Ruse.

“Vendet kandidate, përfshirë Serbinë, pritet që në mënyrë progresive t’i harmonizojnë politikat e tyre ndaj vendeve të treta me politikat dhe qëndrimet e miratuara nga Bashkimi Evropian, duke përfshirë edhe masat kufizuese”, ka deklaruar Peter Stano.

Serbia është i vetmi vend në kontinentin evropian që nuk ka vendosur sanksione Rusisë.

Për më tepër, ishte planifikuar një vizitë e ministrit të jashtëm rus, Sergej Lavrov në Beograd, por e njëjta u anulua meqë Maqedonia e veriut, Mali i zi dhe Bullgaria kanë mbyllur hapësirën ajrore për aeroplanin e Lavrovit. Bashkimi Evropian ka përshëndetur vendimin e këtyre shteteve duke cilësuar se po e dëshmojnë edhe në praktike implementimin e masave restriktive.

Subscribe në YouTube: GAZETA INFOKUSI
Etiketa:
Fito 50 € për dyshekun e vjetër dhe merr dyshkeun e ri Cloud për vetëm 549 €
-Advertisement-

Të tjera

Fokusi

lajme