Blloku A-5 jashtë funksionit, s’po gjenden kompani të “përgjegjshme” për ta kryer remontin
![](https://gazetainfokus.com/wp-content/uploads/2022/10/yyyyyy.jpg)
Autori: Gazeta inFokus
15:46 | 14 October 2022
Dimri po afrohet, e një prej blloqeve të Termocentralit Kosova A, s’është dërguar ende në remont. Procedurat për këtë kanë filluar qe dy muaj, por s’po gjendet kompani e “përgjegjshme” për të kryer remontin. KEK s’është deklaruar fare për këtë çështje, por këtë informacion e ka dhënë zëvendëskryeministri Besnik Bislimi, i cili foli për kapacitetet energjetike. Një lajm i mirë në këtë kohë është që çmimi i rrymës ka shënuar rënie.
Korporatës Energjetike të Kosovës i kanë dalë telashe me bllokun A-5 të Termocentralit Kosova A.
Tash e tre muaj s’është arritur që të gjendet ndonjë kompani e përgjegjshme për të rehabilituar këtë njësi, që është lëshuar në funksion gati qe 50 vjet, me fuqi prej 210 MW.
Ky bllok s’është fare në funksion aktualisht. Nëse nuk gjendet ndonjë kompani e përgjegjshme më shpejtë, do të vështirësohet edhe më shumë furnizimi me rrymë gjatë dimrit, periudhë kjo kur edhe me të gjitha njësitë në funksion, s’arrihet të mbulohen nevojat e konsumatorëve.
Problemet e KEK’ut me këtë njësi i ka zbuluar mbrëmë zëvendëskryeministri Besnik Bislimi.
Sipas Bislimit, disa kompani i kanë dorëzuar ofertat, por thotë se janë të papërgjegjshme dhe joserioze.
“Ka 2-3 muaj që po kemi telash me e gjet një kompani të përgjegjshme, e cila e rehabiliton A5shin. Nuk ka. Tash kanë ardh disa oferta, jemi në process të trajtimit. Shumica e tyre të papërgjegjshme, jo serioze, sepse thjeshtë ka pak gatishmëri të kompanive me renome të vazhdojnë të merren me renovim të kapaciteteve të vjetra me qymyr. Nuk po aplikojnë, sepse kanë marrë udhëzime me shku me u marr me energji të ripërtëritshme, kapacitetet e tyre me u marr me energji të ripërtëritshme. Nuk është tu punu fare A5’shi, aty është problemi. Pa u kry renovimi…”, ka deklaruar Bislimi.
Për deklaratën e Bislimit, Gazeta Express ka provuar edhe që të marrë edhe qëndrimin e KEK’ut, por deri në momentin e publikimit të tekstit, të njëjtit s’kanë kthyer përgjigje.
Procedurat e prokurorimit për remontin e kësaj njësie kishin filluar në fund të gushtit. Në njoftimin e atëhershëm të KEK’ut, thuhej se shumë shpejt do të përzgjidhet kompania.
“Për njësinë A-5 aktualisht janë duke u zhvilluar procedurat e prokurimit për remontin kapital dhe shumë shpejt pritet te perzgjidhet Operatori Ekonomik i përgjegjshëm për këtë aktivitet”, thuhej në njoftim.
Njoftim tjetër për këtë bllok, s’ka pasur më.
Shtetet që e refuzuan Kosovën për kontrata afatgjate për importin e energjisë
Zëvendëskryeministri Besnik Bislimi paralajmëroi edhe për dimrin e vështirë që e pret vendin.
Ai tregoi se kanë tentuar që të lidhin kontrata afatgjate për importin e energjisë me katër shtete, por që kanë refuzuar.
Shtetet me të cilat është tentuar të nënshkruhen këto kontrata janë Bullgaria, Maqedonia, Greqia dhe Danimarka.
“Masat që kanë sugjeruar disa mendjendritur që me ba kontrata afatgjate, është pa që asnjë shtet s’po mundet me nënshkru kontrata afatgjatë. Sepse edhe ata që e kanë energjinë nuk janë budallenj. Pse me ta ba kontratën afatgjate me 180 euro, kur çmimi është 1 mijë euro për MËh. Kemi tentuar me Bullgarinë, Maqedoninë, Greqinë, kemi tentu edhe me Danimarkën. Të gjithë thonë po e shohim, masnej thonë jo vetëm këmbim”, ka deklaruar Bislimi në ATV.
Bislimi tha Kosova po përballet me krizën energjetike shkaku i kapaciteteve të stërvjetëruara. Në situatën që gjenden, thotë se në çdo minutë mund të pëlcas ndonjë gyp.
“Ne e kemi krizën për arsye se i kemi kapacitetet e stërvjetruara, e në të cilat nominalisht kanë hyrë qindra miliona investime. Me pas hy investime sa është thënë nominalisht, ato ish dashtë me u dok si të reja. Po aty në çdo minutë mundet me pëlcit një gyp, sepse thotë ky gyp s’është prek nga 1970. Kjo është situata me kapacitetet ekzistuese. Edhe me u tranu, kapacitete ekzistuese s’mundesh me i ndryshu brenda 5 viteve”, tha Bislimi.
Ulet pak çmimi i rrymës në bursën hungareze, ku blen Kosova
Ngritja e çmimit të rrymës mori hov pas nisjes së pushtimit rus të Ukrainës, më 24 shkurt të këtij viti.
620 euro kushtonte në muajin gusht. Por, ditëve të fundit, çmimi ka shënuar rënie.
Çmimi i energjisë në bursën hungareze, HUPX, ku blen edhe Kosova, aktualisht sillet rreth 195 euro.
Krahasuar me dje, çmimi ka rënë për mbi 60 euro, kurse me të mërkurën për gati 80 euro.
Ndryshe, nevojat e Kosovës për energji elektrike i tejkalojnë kapacitetet e prodhimit, sidomos gjatë dimrit.
Kosova ka kapacitet të prodhojë rreth 800 megavat në orë, kurse nevojat e saj, në ditë dimri, arrijnë deri në 1.300 megavat në orë. Këtë diferencë, ajo zakonisht e importon nga jashtë.
Bazuar në statistikat e institucioneve në Kosovë, amvisëritë janë shpenzuesit kryesorë të rrymës totale që prodhohet në vend.
![](https://gazetainfokus.com/wp-content/uploads/2024/01/albulena1.jpg)
Të tjera
-
E dhimbshme, ndahet nga jeta në moshë të re zyrtarja ligjore e Gjykatës në Deçan
Ka vdekur sot në moshë të re Rinora Qorraj, e cila ishte zyrtare ligjore në G...
-
900 milionë eurot e kushtëzuara të BE’së për Kosovën, Lajçak e përmend edhe një herë Planin e Rritjes
Emisari Special i Bashkimit Evropian, Miroslav Lajçak ka shkruar një cicërimë...
-
Aksident në Prishtinë, në vendngjarje edhe autoambulanca
Një aksident ka ndodhur në orët e mbremjës në lagjen “Dardania” në Prishtinë....
-
Maqedonci e jep një informacion për grupin terrorist të Radojiçiq – nuk është lajm i mirë për Kosovën
Ministri i Mbrojtjes, Ejup Maqedonci deklaron se grupi terrorist i Millan Rad...
-
Nëna e Leotrimit: Djali im paska qenë i krejt Kosovës
Sot në 25-vjetorin e Ditës së Çlirimit të Skenderajt, është përuruar skulptur...
-
Kurti deklarohet për takimin me Arbel, përmend mundësitë e panumërta për bizneset izraelite në Kosovë
Kryeministri i Kosovës, Albin Kurti është takuar me ministrin e Brendshëm të ...
-
Ministri izraelit: Marrëveshja për heqjen e vizave, dëshmi e mëtejshme e forcimit të lidhjeve mes Izraelit dhe Kosovës
Moshe Arbel, ministri i Punëve të Brendshme të shtetit të Izraelit, ka thënë ...
-
Deputetja e VV-së i kërkon ShBA-së e BE-së të jenë më të arsyeshme
Kryediplomati i Bashkimit Evropian, Josep Borrell, ua ka dorëzuar raportin li...
-
Lajçaku për heqjen e masave të BE-së ndaj Kosovës: Gjithçka varet nga diskutimet e nesërme
Emisari i Bashkimit Evropian për dialogun Kosovë-Serbi, Miroslav Lajçak, pas ...
-
Miroslav Lajçak hyn në objektin e Qeverisë, do të takohet me Besnik Bislimin
Emisari i Posaçëm i Bsahkimit Evropian për dialogun Kosovë Serbi, Miroslav La...
-
Shefi i NATO-s në Uashington, Biden: Aleanca më e fortë e më e bashkuar se kurrë
Presidenti Biden priti të hënën në Shtëpinë e Bardhë shefin e NATO-s, më pak ...
-
Lajçak për median serbe “Kosovo Online” – Hapja e pakoordinuar e Urës së Ibrit mund të sjell incidente
Emisari sllovak, Miroslav Lajcak, ka thënë se hapja e pakoordinuar e Urës së ...