Auto&Tech

Bllokohet Twitter për përdoruesit që postuan më shumë se ç’duhet por edhe për ata që nuk e bënë

Autori: Gazeta inFokus 13:43 | 09 February 2023

Disa përdorues të Twitter nuk ishin në gjendje të postonin në Twitter të mërkurën pasi uebfaqja pati probleme teknike.

Përdoruesin morën një mesazh që thoshte: “Ju jeni mbi kufirin ditor për dërgimin e Tweets”.

Faqja e internetit për gjurmimin e ndërprerjeve DownDetector raportoi defektin pak para orës 22:00.

-Advertisement-

Elon Musk ka shkurtuar fuqinë punëtore të Twitter gjatë muajve të fundit që kur ai bleu platformën tetorin e kaluar për 44 miliardë dollarë.

Muajin e kaluar, shefi i Tesla dhe SpaceX tha se Twitter kishte rreth 2,300 punonjës – më pak nga rreth 8,000 kur ai mori përsipër.

Për muaj të tërë, ekspertët kanë paralajmëruar se shkurtime të tilla të thella mund të shkaktojnë probleme teknike, megjithëse nuk është ende e qartë nëse reduktimi i numrit të punonjësve ishte fajtor për ndërprerjen e së mërkurës.

Disa raportuan se ishin njoftuar nga Twitter se ishin mbi kufirin e 2,400 tweet-eve në ditë, edhe nëse nuk kishin postuar të mërkurën.

Mbajtësit e llogarive kishin raportuar gjithashtu probleme me mesazhet në Twitter. Disa përdorues thanë se nuk mund të hynin në TweetDeck – një panel që mund të përdoret me Twitter.

Nuk është ende e qartë se sa persona janë prekur.

“Twitter mund të mos funksionojë siç pritej për disa prej jush. Na vjen keq për telashet. Ne jemi të vetëdijshëm dhe po punojmë për ta rregulluar këtë”, tha Twitter.

Javët e fundit shumë përdorues janë ankuar për gabime gjatë përdorimit të Twitter-it.

“Por mos u shqetësoni, Twitter është akoma Twitter,” tha kompania në një postim të gjatë në Twitter duke njoftuar funksionin.

Subscribe në YouTube: GAZETA INFOKUSI