Lajme

Blinken: Të respektohet armëpushimi në Sudan

Autori: Gazeta inFokus 10:35 | 25 April 2023

Sekretari amerikan i Shtetit, Antony Blinken tha se forcat e armatosura sudaneze dhe Forcat rivale të Mbështetjes së Shpejtë kishin rënë dakord të respektonin një armëpushim mbarëkombëtar për 72 orë duke filluar nga mesnata.

“Qeveria amerikane u bëri thirrje të dyja palëve që të respektojnë plotësisht këtë marrëveshje. Për të mbështetur një fund të qëndrueshëm të luftimeve, Shtetet e Bashkuara të Amerikës do të koordinohen me partnerët rajonalë dhe ndërkombëtarë, dhe palët civile sudaneze, për të ndihmuar në krijimin e një komiteti për të mbikëqyrur negociatat, përfundimin dhe zbatimin e një ndërprerjeje të përhershme të armiqësive dhe marrëveshje humanitare në Sudan.

“Ne do të vazhdojmë të punojmë me palët sudaneze dhe partnerët tanë drejt qëllimit të përbashkët për një kthim në qeverinë civile në Sudan,” tha Blinken.

-Advertisement-

Njoftimi vjen pas disa ditësh luftimesh të ashpra në Sudan mes gjeneralëve më të fuqishëm të vendit.

Qindra civilë kanë vdekur në përleshjet që filluan më shumë se një javë më parë në një përshkallëzim të luftës për pushtet midis presidentit de fakto, Abdel Fattah al-Burhan dhe zëvendësit të tij, Mohammed Hamdan Daglo, kreut të grupit të fuqishëm paraushtarak Forcat e Mbështetjes së Shpejtë (RSF)./abcnews.al

Subscribe në YouTube: GAZETA INFOKUSI