Blinken: Situatë e jashtëzakonshme në Rusi, ka çarje që nuk janë parë më herët
![](https://gazetainfokus.com/wp-content/uploads/2023/06/secretary-antony-j-blinken-on-afghanistan-1140x684-1-600x360-1.webp)
Autori: Gazeta inFokus
16:11 | 25 June 2023
Sekretari amerikan i Shtetit, Antony Blinken e përshkruajti si “të jashtëzakonshme” situatën në Rusi në një intervistë në CNN, por tha se “është shumë herët për të treguar se ku do të shkojë kjo”, pasi Rusia u tërhoq nga pragu i një lufte civile me grupin mercenar Wagner.
“Por ne mund ta themi këtë: Para së gjithash, ajo që kemi parë është e jashtëzakonshme. Dhe unë mendoj se ju keni parë të shfaqen çarje që nuk ishin aty më parë”, tha Blinken, duke cituar pjesërisht shefin e Wagner-it, Yevgeny Prigozhin, duke vënë në dyshim premisat e luftës së Rusisë në Ukrainë.
CNN raportoi më parë se zyrtarët e inteligjencës amerikane besojnë se Prigozhin, shefi i grupit ushtarak privat Wagner, kishte planifikuar një sfidë të madhe për udhëheqjen ushtarake të Rusisë për mjaft kohë, por ishte e paqartë se cili do të ishte qëllimi përfundimtar.
Blinken, i cili ua ka bërë një sërë thirrjesh aleatëve dhe partnerëve gjatë fundjavës, e përshkroi situatën kështu:
“Ky është vetëm një kapitull i shtuar në një libër shumë, shumë të keq që Putin ka shkruar për Rusinë. Por ajo që është kaq e habitshme për këtë është se vjen nga brenda”, tha ai.
“Fakti që ju keni nga brenda dikë që vë në dyshim autoritetin e dikujt, duke vënë në pikëpyetje drejtpërdrejt premisat mbi të cilat ai filloi këtë agresion kundër Ukrainës. Kjo në vetvete është diçka shumë, shumë e fuqishme. Ajo shton çarje. Ku shkojnë ata, kur arrijnë atje, shumë herët për të thënë, por qartë ngre pyetje të reja me të cilat duhet të merret Putini”, shtoi ai.
Prigozhin ishte zotuar të premten se do të hakmerrej kundër udhëheqjes ushtarake ruse për një sulm të supozuar në një kamp ushtarak të Wagner dhe pretendoi kontrollin e objekteve ushtarake në dy qytete ruse. Megjithatë, të shtunën pasdite, ai publikoi një audioregjistrim duke pretenduar se po i kthente forcat e tij nga një marshim drejt Moskës, vetëm disa orë pasi nisi një kryengritje që përbënte kërcënimin më të madh për autoritetin e Putinit në dekada.
Blinken tha se SHBA nuk ka parë asnjë zyrtar ushtarak rus të rrëzuar, duke pohuar se kjo “mbetet për t’u parë”.
“Nuk ka asnjë sekret për faktin se Prigozhin ishte shumë kritik i udhëheqjes ushtarake, ministrit të Mbrojtjes, kreut të forcave të armatosura. Pra, si shpaloset kjo tani për sa i përket personelit? Gjithçka mbetet për t’u parë”, tha ai.
Blinken tha se situata mund të shërbejë si një avantazh për Ukrainën pasi ajo kryen një kundërofensivë.
Por çdo destabilitet në Rusi është gjithashtu shqetësues për zyrtarët amerikanë, duke pasur parasysh statusin e saj si fuqi bërthamore.
“Sa herë që keni një vend të madh, si Rusia, që ka shenja jostabiliteti, kjo është diçka shqetësuese. Kjo është diçka në të cilën ne jemi shumë të fokusuar. Kur bëhet fjalë për armët e tyre bërthamore, ne nuk kemi parë asnjë ndryshim në qëndrimin e tyre dhe nuk kemi bërë asnjë ndryshim në qëndrimin tonë”, tha Blinken.
![](https://gazetainfokus.com/wp-content/uploads/2024/01/comodita-gjermani-frankfurt-181.jpeg)
Të tjera
-
Kurti viziton punimet e aksit rrugor që lidh zonat e Mitrovicës së Jugut me qarkoren Zubin Potok-Zveçan
Kryeministri i Republikës së Kosovës, Albin Kurti, i shoqëruar nga ministri i...
-
FAST Kosova në aksion/ Arrestohet shtetasi nga Arabia Saudite, ishte në kërkim ndërkombëtar
Policia e Kosovës, gjegjësisht njësiti (Fast Kosova), me mbështetje të zyrta...
-
Paralajmëron Ardian Gjini: Diçka ka me eskalu, Serbia ka me bo diçka
Kryetari i Gjakovës, Ardian Gjini, ka folur në lidhje me situatën e sigurisë ...
-
Grabitje si në filma në Kroaci, hidhet në erë bankomati, eurot shpërndahen në rrugë
Një grabitje e denjë për skenat e filmave hollivudianë është regjistruar në Z...
-
Apeli i Speciales ia zbut dënimin Salih Mustafës, ia zbret në 15 vite burgim
Paneli i Gjykatës së Apelit ia ka zbutur dënimin Salih Mustafës, duke ia zbri...
-
Dy kompani paguhen për ta kryer të njëjtën punë: Si po lobon Kosova në SHBA?
Dy kompanitë e kontraktuara për lobim në SHBA nga Ministria e Punëve të Jasht...
-
Lirohen dy politikanët serbë që u arrestuan sot në Veri, gjobiten për prishje të qetësisë publike
Janë liruar politikanët serbë, Aleksandar Arsenijeviq dhe Ivan Orloviq, që u ...
-
Kurti për vizitën e tij në veri: Se ndjeva që dikujt s’i pëlqen kur dikush vjen nga Prishtina, qoftë edhe kryeministri
Kryeministri Albin Kurti në një përgjigje për gazetarët sot në veri ka thënë ...
-
Kurti dhe Sveçla ‘vendosin’ gurthemelin e Agjencisë së Regjistrimit Civil në Leshak të Leposaviqit
Kryeministri i Kosovës Albin Kurti, bashkë me ministrin e Punëve të Brendshme...
-
Takimi mes Ulutash dhe Orav: Bashkëpunimi NATO-BE, kyç për sigurinë e qëndrueshme në mbarë Kosovën
Komandanti i misionit të KFOR-it, gjeneralmajor Ozkan Ulutash, priti shefin e...
-
BE-ja nuk e konfirmon “tërheqjen” e letrës së Bërnabiqit
Peter Stano, zëdhënës i Bashkimit Evropian për Politikë të Jashtme dhe Siguri...
-
Nesër hapet Qendra për trajtimin e qenve edacakë në Prishtinë
Komuna e Prishtinës ka njoftuar se nesër, me fillim nga ora 11:00, do të mbah...