Lajme

Blerta Deliu-Kodra flet sërish për “Grupin e Kumanovës”, hedh vrer mbi Vetëvendosjen

Autori: L A 11:16 | 25 November 2021

Javën që lamë pas, deputetja Blerta Deliu-Kodra dhe ministrja e Drejtësisë, Albulena Haxhiu, u përplasen me tona të ashpra në Kuvend, shkruan Gazeta Infokus.

Ministrja Haxhiu e ka pyetur deputeten e PDK-së, Blerta Deliu-Kodra, lidhur me punësimin e motrës së saj në prokurim të Kuvendit.

“Nëse flas me gjuhën e Abelard Tahirit atëherë zonja Deliu duhet të të pyes a keni ndikuar në punësimin e motrës tuaj në prokurim të Kuvendit… ose me ua përmend që dhëndri juaj është arrestuar në OSHP”, pyeti Haxhiu.

-Advertisement-

Pas kësaj pyetje, ka reaguar deputetja Deliu Kodra duke thënë se këto janë shpifje.

“Si takohesh me një ministre të Drejtësisë së Gjermanisë kur në CV-në tënde shkruan se kunatin e keni të arrestuar për terrorizëm në Maqedoni”, tha Deliu-Kodra.

Deputeti i Lëvizjes Vetëvendosjes, Gani Krasniqi ka marrë fjalën dhe ka thënë se deputetja Blerta Deliu-Kodra duhet të kërkojë falje për paraqitjen e saj javën që lamë pas, shkruan Gazeta Infokus.

“A mendoni se djemtë e Kumanovës janë terrorist. Dua të dëgjojë edhe mendimin e kolegëve deputetë të Partisë Demokratike të Kosovës se a e ndajnë të njëjtin mëndim me kolegen të tyre dhe tonën zonjën Blertë”, ka thënë Krasniqi.

Deputetja Blerta Deliu-Kodra ka thënë se në asnjë moment nuk e ka cilësuar se djemtë e Kumanovës janë terrorist.

“Për asnjë moment Blerta Deliu Kodra nuk e ka cilësuar të dënuarit në Maqedoni si terrorist. Qëllimisht dhe me dashakeqësi më është shkëputur një fjali nga konteksti për të deformuar gjithë idenë e replikimit e keni keqinterpretuar si ju ka konvenuar për të nxitur dhe për të ngërthyer militantet e juaj. Përpos nxitjes dhe përdorimit te dhunës në gjithë historikun e juaj t‘bëni gjë, keni dështuar dëshpërimisht të qeverisni sepse as se keni aftësinë as se keni dijeninë dhe po mundoheni ta mbani pushtetin duke mbajtur militant e duke shpërfaqur dhune”, ka thënë gjatë seancën në Kuvend, Deliu-Kodra.

“E dini mirë se unë i përkas dy familjeve patriotike që kanë flijuar shumë familjes Kodra dhe Deliu pra të provoni me servila të detektoni familjen e tyre po ju them ju dhe qytetarëve të Kosovës se e keni mision te dështuar”, ka thënë ajo.

“Ky fjalim i imi koleg deputet është vetëm për të shprehur keqardhjen për keqinterpretimit të cilin dua ta korrektoj por jo për bindjet e mija pasi ato nuk kanë gabuar asnjëherë. Respekti i m për luftën, simpatia për drejtuesit e sa, nderi im për ushtarët dhe përulja që kam ndaj të rënëve nuk lejojnë në asnjë mënyrë të interpretohem ndryshe”, ka thënë Blerta Deliu-Kodra. /Gazeta Infokus/

Subscribe në YouTube: GAZETA INFOKUSI
Presidenti i UNI z. Alejtin Berisha, folës mbi temën “Women’s Role in Artificial Intelligence Development” në DOKUTECH, edicioni i 11-të

Të tjera