Blerja e dronëve, Berisha: Asnjë fluturake në Kosovë nuk mund të fluturojë pa lejen e KFOR-it
Autori: Gazeta inFokus 19:10 | 18 July 2023
Ish-drejtori i Autoritetit të Aviacionit Civil të Kosovës, Eset Berisha ka thënë se Kosova nuk ka hapësirë ajrore që e “rregullon dhe që e menaxhon për momentin”, teksa ka theksuar se “asnjë fluturake në Republikën e Kosovës nuk mund të fluturojë pa lejen e KFOR-it”.
“Asnjë fluturake në Republikën e Kosovës nuk mund të fluturojë pa lejen e KFOR-it. 72 orë para duhet të lajmërohet ndonjë fluturim civil, ndërsa ushtarake nuk ka pasur fare”, tha Berisha, në lidhje me diskutimet e fundit se a ka hapësirë ajrore për dronët “Bayraktar”.
Berisha ka thënë se hapësira ajrore është menaxhuar nga KFOR-i sipas marrëveshjes tekniko-ushtarake të 9 qershorit 1999, e cila ka rrjedhur dy ditë para rezolutës 1244, dhe se me atë marrëveshje, forcat ndërkombëtare të sigurisë, KFOR-i, kanë marrë përgjegjësinë e sigurisë edhe në hapësirën ajrore të Republikës së Kosovës që në atë kohë njihej si “hapësira ajrore mbi Kosovë”.
“Hapësira ajrore është menaxhuar nga KFOR-i sipas marrëveshjes tekniko-ushtarake të 9 qershorit 1999, ka rrjedhur dy ditë para rezolutës 1244, është fakt që nuk mund të mohohet. Me atë marrëveshje, forcat ndërkombëtare të sigurisë, KFOR-i, kanë marrë përgjegjësinë e sigurisë edhe në hapësirën ajrore të Republikës së Kosovës që në atë kohë njihej si hapësira ajrore mbi Kosovë”, ka thënë Berisha në RTV “Dukagjini”.
Ai ka thënë se KFOR-i gjithmonë i referohet hapësirës ajrore mbi Kosovën jo hapësira ajrore e Kosovës, sepse sipas tij, me marrëveshjen e Kumanovës janë marrë obligimet nga ish-Republika federale e Jugosllavisë dhe Republika e Serbisë.
“KFOR-i gjithmonë i referohet hapësirës ajrore mbi Kosovën jo të Kosovës, janë fakte që nuk mund të mohohen, sepse me marrëveshjen e Kumanovës janë marrë obligimet nga ish-Republika federale e Jugosllavisë dhe Republika e Serbisë”, ka vijuar ai.
Ai ka thënë ndër të tjera se terminologjia nuk ka ndërruar as pas shpalljes së pavarësisë së Kosovës sepse mbi ligjin e Aviacionit Civil, sipas tij, Kosova obligohet të zbatojë lejet të cilat lëshohen nga marrëveshjet ndërkombëtare, në këtë rast Marrëveshja e Kumanovës.
“Kur jemi te regjimi tjetër që kemi të bëjmë pas shpalljes së pavarësisë së Kosovës, kjo terminologji nuk ka ndërruar, sepse mbi ligjin e Aviacionit civil, nënkupton se Kosova obligohet t’i zbatojë lejet të cilat lëshohen nga marrëveshjet ndërkombëtare, në këtë rast Marrëveshja e Kumanovës. Hapësira ajrore e Kosovës është e ndarë në dy pjesë, hapësira e lartë dhe hapësira e ulët. Ligji për Aviacionin Civil i rregullon fluturimet civile apo komerciale jo ato ushtarake”.
Ai ka theksuar se sado e dhimbshme të jetë, “Kosova nuk ka hapësirë ajrore që e rregullon dhe që e menaxhon për momentin”.
Ndryshe, më 16 korrik, kryeministri i Kosovës, Albin Kurti, ka njoftuar për blerjen e dronëve Bayraktar TB-2 nga Turqia, por nuk ka treguar për numrin e tyre.
Në prezantimin e dronëve të dielën, Kurti u shoqërua nga ministri i Mbrojtjes, Armend Mehaj dhe komandanti i Forcës së Sigurisë së Kosovës (FSK), Bashkim Jashari.
Me blerjen e dronëve, Kurti ka vlerësuar se Kosova tash është edhe më e sigurt.
Ai ka përgëzuar oficerët të cilët kanë kryer trajnimin për përdorimin e dronëve. /Dukagjini
Të tjera
-
Kina miraton provat e para publike të makinave vetë-drejtuese
Kina i dha miratimin grupit të parë prej nëntë prodhuesish automjetesh, për t...
-
Kurti: Kërc ënimi nga Serbia është real, i shtuam 1 mijë e 852 ushtarë për tri vite
Kryeministri Albin Kurti, ka theksuar se ka kërcënime të vazhdueshme nga Serb...
-
Del në publik pas plagosjes, kryeministri sllovak ka një mesazh për atentatorin
Kryeministri populist i Sllovakisë, Robert Fico u shfaq për herë të parë në p...
-
Krasniqi kërkon nga bashkatdhetarët që në zgjedhjet për Parlamentin Evropian të votojnë për partitë e liberalëve dhe demokratëve
Kryetari i Partisë Demokratike të Kosovës (PDK), Memli Krasniqi, ka kërkuar n...
-
Grabitje e armatosur në Prishtinë, dyshohet për një të plagosur
Një grabitje e armatosur ka ndodhur rreth orës 15:15 në Prishtinë në një këmb...
-
Ambasadori Rohde: Qeveria s’i dëgjoi këshillat tona
“Gjermania e do Kosovën brenda (KiE-së), por duhet të sigurohemi që vendet që...
-
Presidenti Joe Biden fillon vizitën në Francë
Presidenti i Shteteve të Bashkuara Joe Biden arriti të mërkurën në Francë për...
-
KiE e heqja e masave, Rohde: Do të kemi së shpejti vendime të cilat do ta zhbllokojnë situatën
Ambasadori i Gjermanisë në Kosovë, Jorn Rohde ka thënë se në takimin me Komis...
-
Grabitja e ārmatosur në Prishtinë: Të plagosür një polic dhe njëri nga grabitësit
Një grabitje e armatosur ka ndodhur në orët e pasdites në Prishtinë në një kë...
-
Presidentja Osmani thotë se nuk ka përplasje me kryeministrin Kurti
Presidentja e Kosovës, Vjosa Osmani është deklaruar sa i përket raportit të s...
-
Ky është 32 vjeçari që u arrestua për grabitjen me ārmë në Prishtinë
Një grabitje me armë zjarri ka ndodhur të mërkurën në Prishtinë, ku tahsmë po...
-
Osmani pas takimit me komandantin e KFOR-it: Kosovën e mbrojmë dhe e mbajmë të sigurt me aleatë
Presidentja e Kosovës, Vjosa Osmani, e ka pritur në Presidencë komandantin e ...