Lajme

Biznesmeni që kërkohet në Spanjë për drogën tentoi “të fshihte” pasurinë 4 milionë euro

Autori: Gazeta inFokus 18:39 | 17 September 2017

Nikolin Janina, biznesmeni i njohur i hidrosanitareve në Shqipëri, kishte tentuar ta fshihte pasurinë e tij. Janina dyshohet se është vënë në dijeni për mbërritjen e letërporosive nga autoritetet spanjolle dhe ka tentuar ta fshehë atë.

“Ai dyshohet se kishte nisur likujdimin e kompanisë së tij dhe shitjen e aseteve. Kjo konfirmohet edhe nga kerkesat depozituar në Qendrën Kombëtare të Biznesit. Në 5 janar të këtij viti, Asambleja e kompanisë nisi procedurat e shitjes së aseteve dhe pronave të ALBA CERAMICA sh.p.k. Janina ka pezulluar edhe aktivitetin e një tjetër kompanie në pronësi të tij”, raporton Tv Klan.
prokuroria e Krimeve të Rënda vendosi në sekuestro pronat e tij në Tiranë e Vlorë, që vlerësohen në rreth 4 milionë euro.

Pronat e sekuestruara

-Advertisement-

4 apartamente me sipërfaqe totale 450 metra katrorë në Tiranë
2 garazhe po në Tiranë
1 apartament me sipërfaqe 65 metra katrorë në Vlorë
sipërfaqe toke prej 31 mijë metra katrorë në Drimadhes, Porto Palermo, Llaman dhe Himarë.

Janina dyshohet se i ka blerë këto prona me para të ardhura nga trafiku ndërkombëtar i drogës. Spanja e kërkon nën këtë akuzë, por në Shqipëri autoritetet e kanë lënë të lirë deri në mbërritjen e dokumentacionit të plotë nga Spanja. /Lapsi.al

Subscribe në YouTube: GAZETA INFOKUSI