Fokus

Bizneset e Shqipërisë refuzojnë ‘ashpër’ kërkesën e Serbisë për investime, kjo është arsyeja

Autori: Gazeta inFokus 17:48 | 24 March 2021

Shoqata e Bizneseve në Shqipëri ‘Bashkimi i Biznesit Shqiptar’ ka refuzuar kërkesën e Serbisë për investime në këtë shtet.

E arsyeja e refuzimit është sepse në hartën ku bëhet kjo kërkesë, Kosova shfaqet si pjesë e Serbisë, shkruan Gazeta inFokus.

Gazeta inFokus ka siguruar letrën e bizneseve të Shqipërisë drejtuar ambasadës së Serbisë në Tiranë, ku refuzohet ftesa e tyre për investime deri sa të hiqet Kosova nga ajo hartë ku nuk njihet si shtet i pavarur por si pjesë e Serbisë.

Në këtë letër thuhet se Kosova është shtet, pavarësinë e të cilit e kanë njohur shumë shtete dhe ndër to është edhe Shqipëria dhe nuk mund të bëhen kërkesa të tilla për investime me një hartë e cila nuk e paraqet realitetin aktual gjeopolitik.

Madje në këtë letër ftohen të gjitha biznset që të injorojnë ftesa të tilla me këtë hartë e cila nuk e paraqet realitetin, dhe se bizneset e Shqipërisë janë gati për bashkëpunim vetëm atëherë kur ka kërkesë të sinqertë dhe jo më shumë provokim politik se sa ftesa të sinqerta për investime.

Në vazhdim mund të gjeni letrën e ‘Bashkimi i Biznesit Shqiptar’ drejtuar ambasadës së Serbisë në Tiranë ku e refuzon ftesën për investime si dhe hartën e ftesën nga Serbia./Gazeta inFokus/  

 

Të tjera

Fokusi

fokus