Lajme

Bislimi takohet me përfaqësuesin e FMN-së, diskutojnë për krizën e energjisë

Autori: Gazeta inFokus 14:19 | 01 November 2022

Zëvendëskryeministri i Kosovës, Besnik Bislimi, është takuar me përfaqësuesin e Misionit të FMN-së, të udhëhequr nga z. Gabriel Di Bella.

Kështu është njoftuar përmes një komunikate për media, ku është shtuar se në takim është diskutuar për krizën e energjisë, por edhe për gjetjet e misionit në lidhje me Kosovën, të cilat pritet të publikohen së shpejti.

Komunikata e plotë:

-Advertisement-

Zëvendëskryeministri Bislimi priti në takim përfaqësuesit e Misionit të FMN-së, të udhëhequr nga z. Gabriel Di Bella

Prishtinë, 1 nëntor 2022

Zëvendëskryeministri i parë për Integrim Evropian, Zhvillim dhe Dialog, i Republikës së Kosovës, Besnik Bislimi, priti në takim përfaqësuesit e Misionit të FMN-së, të udhëhequr nga z. Gabriel Di Bella.

Ky takim u realizua përgjatë takimeve të misionit me autoritetet në Kosovë. Gjatë takimit u diskutuan gjetjet e misionit në lidhje me Kosovën, të cilat pritet të publikohen së shpejti. Theksi kyç ishte në krizën e energjisë dhe mënyrat se si sfidat që ajo i sjellë do të mund të tejkalohen por edhe kthehen në mundësi për Qeverinë e Republikës së Kosovës.

Më tej, u diskutua për maturinë e treguar fiskale nga Qeveria, e cila e veçon Kosovën nga pjesa tjetër e rajonit. Ky është lajm shumë i mirë sepse hapësira fiskale e krijuar si rezultat i politikave të kujdesshme fiskale, e lë Qeverinë të bëjë përzgjedhje në mes të mundësive të ndryshme të investimit.

Zëvendëskryeministri Bislimi ndau me Misionin e FMN-së detaje nga masat e ndryshme që po i ndërmerr Qeveria për të lehtësuar krizën energjetike për qytetarët, një pjesë e të cilave tanimë do të financohet nga pakoja buxhetore e BE-së për Kosovën, në vlerë prej 75 milionë eurosh.

Subscribe në YouTube: GAZETA INFOKUSI
Etiketa:
Nis bashkëpunimi serioz dhe strategjik midis Comodita dhe JYSK International

Të tjera

Fokusi

lajme