Lajme

Bislimi: Kosova ka potencial të madh zhvillimor dhe Qeveri të fokusuar në punësim

Autori: Gazeta inFokus 17:36 | 11 September 2022

Zëvendëskryeministri Besnik Bislimi thotë se Kosova ka potencial të madh zhvillimor, me moshë mesatare të re të popullsisë, cilësi të lartë të demokracisë dhe Qeveri të fokusuar në punësim dhe drejtësi.

Ndër tjera, ai tregon se Kosova është bërë një vend i sigurt për tërheqjen e investimeve strategjike, raporton Indeksonline.

Këto e shumëçka tjetër i tha gjatë pjesëmarrjes së tij në “Investment Management Exhibition” të organizuar në Frankfurt, ku zhvilloi takime me investitorë të ndryshëm.

-Advertisement-

Postimi i plotë:

Gjatë kësaj jave pata mundësinë të marr pjesë në “Investment Management Exhibition” të organizuar në Frankfurt. Zhvilluam takime me investitorë të ndryshëm, me të cilët folëm mbi atë se çfarë Kosova i ofron investitorëve ekzistues dhe potencial.

Vendi ynë ka potencial të madh zhvillimor, me moshë mesatare të re të popullsisë, cilësi të lartë të demokracisë dhe Qeveri të fokusuar në punësim dhe drejtësi. Kosova ofron një mjedis të përshtatshëm për mundësitë e investimit dhe po avancon përmes një agjende ambicioze drejt integrimit evropian.

Performanca dhe imazhi pozitiv i Kosovës, reflektohet dhe në përmirësimin në pozicione, ndër më të lartat ndonjëherë, në renditjet botërore. Ndër hapat e rëndësishëm të ndërmarrë nga Qeveria e Republikës së Kosovës, është dhe formalizimi i ekonomisë, që ka sjellë rritje të shpejtë dhe të qëndrueshme.

Gjithashtu, agjenda ambicioze legjislative dhe ndërmarrja e reformave në fushat e politikës industriale, në statusin strategjik të investitorit, krijimin e Gjykatës Komerciale, reformimit të legjislacionit për Zonat Ekonomike dhe poashtu mbi inovacionin, e bëjnë Kosovën një vend të sigurt për tërheqjen e investimeve strategjike.

Subscribe në YouTube: GAZETA INFOKUSI
Studente dhe prind, Medina Berisha tregon për rrugëtimin e saj akademik në UNI- Universum International College, fuqizuar nga Arizona State…
-Advertisement-

Të tjera

Fokusi

lajme