Bislimi dekonspiroi gjithçka për Asociacionin duke treguar për udhëtimin në Londër
Autori: Gazeta inFokus 12:53 | 06 August 2022
Qeveria Kurti ka qenë agresive vazhdimisht kundër Asociacionit duke i parë me sy të keq edhe pyetjet rutinore rreth tij.
Madje Kurti ka bërë edhe një deklaratë se me të Kryeministër s’do të ketë fare Asociacion. Por, me dje duket se gjithçka ka ndryshuar. Kryenegociatori Besnik Bislimi tha se këtë çështje e ka biseduar me Miroslav Lajçak gjatë takimeve.
Ai zbuloi edhe një udhëtim që ka bërë në Londër për ta takuar Baroneshën Ashton në kohën e së cilës është nënshkruar marrëveshja në Bruksel, me çka u nënkuptua se Kurti dhe ai e kanë pasur në mendje dhe në agjendë këtë temë.
Dje emisari amerikan për bisedimet Kosovë -Serbi Gabriel Escobar bëri të ditur se Sekretari Blinken u ka thënë Kurtit e Osmanit se duhet të nisin diskutimet për krijimin e Asociacionit. Në reagimet e para të VV’së u la të kuptohet se krijimi i Asociacionit mund të jetë i pranueshem pasi deklaratat e Escobar nga ta u interpretuan si eliminim i Zajednicës.
Në anën tjetër kryeministri Albin Kurti para disa muajve kishte deklaruar se me të kryeministër s’do të ketë Asociacion të komunave me shumicë serbe.
“Po është e vërtetë që kemi pasur oferta nga faktori ndërkombëtar për t’u ulur dhe ta zgjidhim me dialog këtë çështje. Ne menjëherë kemi pranuar. Beogradi jo, madje ka vënë disa kushte që janë të papranueshme për ne. Ju e dini qëndrimin tim si kryeministër, asociacioni i komunave serbe nuk ka vend në Kosovë, sepse është shkelje flagrante e Kushtetutës”, tha ndër të tjera Kurti.
Zëvendëskryeministri i Kosovës për dialog me Serbinë, Besnik Bislimi, ka fajësuar mediat se po e bëjnë temë çështjen e Asociacionit. Në ditën kur emisari amerikan për Ballkanin, Gabriel Esobar, e përmendi temën e Asociacionit, Bislimi thotë se nuk e ka diskutuar këtë çështje asnjëherë në Bruksel me zyrtarë të BE-së.
Bislimi thotë në televizionin publik se këtë temë e ka diskutuar vetëm privatisht, në takimet kokë-më-kokë, me të Dërguarin e BE-së për dialogun Kosovë-Serbi, Miroslav Lajcak.
“Në Bruksel, në këta 14 muaj nuk është diskutuar asnjëherë Asociacioni. Pikë. Asociacioni është përmend vetëm në takime private, private nuk ka asgjë, por takime tet-a-tet me zotëri Lajcak. Ku unë kam kundërshtuar faktin që Brukseli del me shumë lehtësi prononcohet për Asociacionin e nuk flitet shpesh për mosrespektimin e marrëveshjeve nga Serbia. Marrëveshja për Asociacionin është nënshkruar më 2013 e para, pastaj më 2015. Marrëveshje për menaxhimin e kufirit është nënshkruar më 2011-ën. Në qoftë se në Bruksel marrëveshjet asnjëherë nuk janë ranguar nga rëndësia, atëherë pse bëhet temë Asociacioni e jo marrëveshja për kufijtë”, thtoë ai.
“E përgjigja e Lajcakut ka qenë se ju në Kosovë merreni me këtë temë. Pse deklaroheni, sepse na bjen pyetje mediat. Më shumë interesoheni mediat në Kosovë se ata në Bruksel”, shtoi Bislimi.
Dje, I dërguari i Posaçëm i Shteteve të Bashkuara për Ballkanin Perëndimor, Gabriel Escobar thotë se qëndrimi i ShBA-së sa i përket Asociacionit të Komunave me Shumicë Serbe është se s’duhet të jetë shtet brenda shtetit.
Megjithatë, Escobar tha se shefi i diplomacisë amerikane, Antony Blinken u ka kërkuar kryeministrit Albin Kurti dhe presidentes Vjosa Osmani në takimin që ka pasur në Departamentin e Shtetit se duhet të nisë diskutimi për Asociacionin
“Ne besojmë se ka një zgjidhje të përhershme për çështjen e targave të makinave. Besoj se jemi afër zbatimit e udhërrëfyesit për energjinë në veri, jemi afër nënshkrimit të marrëveshjes për të pagjeturit dhe shpresoj që palët do ta nënshkruajnë këtë marrëveshje shumë shpejt. Dhe sikurse sekretari [amerikan i Shtetit, Antony]Blinken u tha presidentes [Vjosa Osmani] dhe [Albin Kurti] kryeministrit të Kosovës kur ishin në SHBA, ne duhet të nisim diskutimin për Asociacionin”, tha ai.
Të tjera
-
Tahiri: Ditët në vijim do të iniciojmë kërkesën për shpërbërjen e Kuvendit
Shefi i grupit parlamentar të Partisë Demokratike të Kosovës, Abelard Tahiri,...
-
Tahiri e Gashi lëshojnë sallën ku po mbahej mbledhja e Kryesisë
Shefi i grupit parlamentar i AAK-së, Besnik Tahiri, dhe ai i LDK-së, Arben Ga...
-
Artmotion dhe DigitAlb arrijnë marrëveshje të re bashkëpunimi pesëvjeçar
Artmotion, platforma lidere në Kosovë, dhe DigitAlb, platforma lidere në Shqi...
-
Arrestohet në Prizren burri me nënshtetësi gjermane, dyshohet për dhunë ndaj familjarëve të tij
Policia e Kosovës ka arrestuar në Prizren një burrë me nënshtetësi gjermane, ...
-
Bajrami ia bën ‘bajat’ ministrit Murati: Sektorit privat ia more taksat dhe i shpërndave si karramele
Deputetja e LDK’së, Hykmete Bajrami i ka reaguar ministrit Hekuran Muratit, d...
-
Aksion i Policisë në Prizren, arrestohen dy të dyshuar për dro*ë e ar*ë
Departamenti i Krimeve të Rënda në Prokurorinë Themelore në Prizren ka njoftu...
-
Prishtina pritet të bëhet me polici të veten brenda vitit
Drejtoria e Policisë për kryeqytet pritet të bëhet brenda këtij viti. Kjo ...
-
Sveçla takohet me Ballën, bien dakord që Policisë së Kosovës t’i bashkohet Taskforca e Përbashkët e Migracionit
Ministri i Punëve të Brendshme, Xhelal Sveçla, me ftesë të homologut i tij, T...
-
Perëndimi duhet të jetë në gjendje lufte
Nga: Anders Fogh Rasmussen, ish-sekretar i përgjithshëm i NATO-s (2009-‘14) d...
-
LAJMI I FUNDIT: Martin Berishaj po intervistohet në Prokurorinë Speciale
Martin Berishaj ambasadori i Kosovës në Kroaci, është duke u intervistuar nga...
-
Gërvalla në Kalabri të Italisë: Të shfrytëzojmë resurset dhe të forcojmë urat e bashkëpunimit
Ministrja e Punëve të Jashtme dhe Diasporës, Donika Gërvalla është duke qëndr...
-
Krasniqi takohet me Gorçeviqin e Malit të Zi, dakordohen për thellim të bashkëpunimeve
Ministri i Administrimit të Pushtetit Lokal, Elbert Krasniqi priti në takim m...