Lajme

Bie numri i rasteve aktive me COVID-19, shqetësues numri i lartë i vdekjeve

Autori: Gazeta inFokus 08:31 | 18 September 2021

Gjatë ditëve të fundit në Kosovë është shënuar një rënie e theksuar e rasteve të reja me COVID-19.

Mirëpo, vazhdon të mbetet shqetësues numri i lartë i vdekjeve.

Vetëm gjatë ditës së premte 19 pacientë humbën jetën nga ky virus, teksa u regjistruan vetëm 279 raste të reja.

-Advertisement-

Ndërkohë që Ministria e Shëndetësisë vazhdimisht po bën thirrje për vaksinim.

“Nga 6.079 testime, 279 qytetarë kanë rezultuar pozitiv me virusin COVID-19.Gjatë 24 orëve të fundit, janë shënuar 19 raste të vdekjes. Sot janë shëruar 1.269 qytetarë, derisa numri i përgjithshëm i të shëruarve është 143.333. Në total numri i rasteve aktive është 12.464”, thuhet në raportin e fundit të MSh-së.

Në 24 orët e fundit janë dhënë 18.960 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 1.129.250 doza të vaksinës.

Deri më sot 412.523 qytetarë janë vaksinuar me dozën e dytë.

Subscribe në YouTube: GAZETA INFOKUSI
Etiketa:
Diplomon gjenerata e dytë e studentëve UNIK të UNI-të me diploma të fuqizuara nga Arizona State University
-Advertisement-

Të tjera

Fokusi

lajme