Lajme

Bie njësia B1, nga KEK-u tregojnë se kur do të kthehet në operim

Autori: Gazeta inFokus 15:38 | 04 Janar 2024

Njësia B-1 e Termocentralit “Kosova B” është aktualisht jashtë funksionit. Kjo njësi është ndalur nga operimi pas mesnatës, si pasojë e rritjes së humbjes së ujit.

Kështu ka bërë të ditur për Telegrafin zëdhënësi i Korporatës Energjetike të Kosovës (KEK), Skendër Bucolli.

“Njësia B-1 është ndalur nga operimi me dt. 04.01.2024 pas mesnate si pasojë e rritjes së humbjes së ujit, njësia nuk është nominuar nga TC-B për dt. 05.01.2024. Sot ekspertët e TC-B-së kanë arritur të bëjnë defektazhën ku janë identifikuar disa rrjedhje në kaldajë”, ka thënë Bucolli.
Ai tutje ka bërë të ditur se këto defekte pritet të eliminohen deri të premten në mesditë, dhe pastaj njësia të kthehet në operim.

“Lidhur me këtë, KEK ju njofton se të gjitha remontet e rregullta vjetore kanë përfunduar me sukses sipas planifikimit. Megjithatë duhet te keni parasysh se defektet e kësaj natyre (rrjedhjet ne kaldajë) ne asnjë mënyrë nuk ndërlidhen me remontet”, ka shtuar Bucolli.

-Advertisement-

Siç ka deklaruar ai, sigurimi i energjisë elektrike për mbulimin e kërkesës (konsumit) është përgjegjësi e KESCO-s.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy