Lajme

Biden, thirrje republikanëve të mos bllokojnë ndihmën për Ukrainën

Autori: Gazeta inFokus 08:45 | 16 Janar 2024

Presidenti i Shteteve të Bashkuara, Joe Biden, ka shprehur gatishmërinë për të bërë ndryshime të mëdha në politikën e migracionit dhe u ka kërkuar anëtarëve të Partisë Republikane që të mos bllokojnë ndihmën për Ukrainën. Përndryshe, sipas tij, do të kenë shumë për të paguar.

“Jam i përgatitur të bëj ndryshime të rëndësishme në kufi. Dhe ka negociata që po zhvillohen për pesë javët e fundit, kështu që unë shpresoj se do të arrijmë atje”, tha Biden.

Kur u pyetën se çfarë do të ndodhë më pas me mbështetjen për Ukrainën, Biden u përgjigj: “Epo, nëse kolegët e mi republikanë nuk e financojnë Ukrainën, ata do të kenë shumë për të paguar”.

-Advertisement-

Kujtojmë se republikanët amerikanë kanë bllokuar ndihmën për Ukrainën prej disa muajsh, duke kërkuar që të plotësohen propozimet e tyre në lidhje me ndryshimet në politikën amerikane të migracionit dhe forcimin e kufirit jugor.