Biden: Në prill çdo amerikan do të ketë një ofertë për vaksinim
Autori: Gazeta inFokus 10:34 | 08 April 2021
Ndërsa shumë gjermanë dyshojnë se do të kenë një ofertë për vaksinim deri në shtator, SHBA po e tejkalon vetveten. Brenda dy javësh të gjithë të rriturit do të kenë një ofertë për vaksinim.
Presidenti i SHBA Joe Biden vëri të ditur në Shtëpinë e Bardhë se të gjithë të rriturit në Amerikë mund të vaksinohen deri me 19 prill – pavarësisht nga mosha, profesioni dhe sëmundjet e mundshme të mëparshme. Në të njëjtën kohë, Biden përsëri i bëri thirrje popullatës që të ketë kujdes dhe të respektojë masat në luftën kundër pandemisë. Më parë presidenti kishte vënë si pikësynim për vaksinimin e grupeve të rrezikuara datën 1 maj. Por vaksinimi në SHBA po shkon me një shpejtësi shumë më të madhe nga sa është menduar. Biden e vlerësoi shumë punën e guvernatorëve të 50 shteteve të SHBA-së në këtë drejtim.
“Fushata e shpejtë e vaksinimit”
“Fushata jonë e vaksinimit po zhvillohet me shpejtësi”, tha Biden. SHBA është vendi i parë që ka dhënë 150 milionë vaksina, ndërsa plotësisht janë vaksinuar rreth 63 milionë njerëz. “Ne vaksinuam më shumë vetë se çdo komb tjetër në botë”, tha presidenti.
USA Coronavirus – Covid-19 Impfung in OaklandQendër vaksinimi në Oakland
Kohët e fundit, mesatarisht janë vaksinuar rreth tre milionë njerëz në ditë, e të shtunave madje deri në katër milionë. Që nga fillimi i fushatës së vaksinimit në dhjetor, më shumë se 108 milionë vetë kanë marrë të paktën një dozë vaksine, më shumë se 63 milionë prej të cilëve janë imunizuar plotësisht kundër virusit Corona. Kjo do të thotë që 42 përqind e popullsisë së rritur dhe 76 përqind e atyre mbi 65 vjeç kanë marrë të paktën një dozë.
Biden kërkon kujdes
Përparimet e shpejta të vaksinimeve kanë rritur shpresat e amerikanëve për një kthim të shpejtë në normalitet. Por qeveria dhe ekspertët janë të shqetësuar nga rritja sërish e numrit të personave të infektuar javët e fundit. Ata kanë frikë nga variantet e reja të virusit dhe zbehja e kujdesit të njerëzve.
Biden paralajmëroi, se shumë njerëz po besojnë se “ne tashmë kemi arritur në vijën e finishit”. Por nuk është kështu: “Ne jemi akoma në një garë kundër virusit dhe po luftojmë për jetë ose vdekje”. Njerëzit duhet të vazhdojnë të lajnë duart, të mbajnë maska mbrojtëse dhe të mbajnë distancën nga të tjerët, tha presidenti. Gjatë një vizite në një qendër vaksinimi në Virginia, Biden u bëri thirrje qytetarëve që të vaksinohen sa më shpejtë.
Në SHBA kanë vdekur nga Corona më shumë se 556.000 vetë, ndërsa janë infektuar më shumë se 30.800.000 syresh. Këto janë shifrat më të larta në botë.
Heqja e kufizimeve
Shumë vende të SHBA-së kanë pezulluar ndërkohë një pjesë të kufizimeve. Guvernatori i Kalifornisë Gavin Newsom paralajmëroi të martën (06.04) shfuqizimin e masave deri me 15 qershor. Por kjo mund të realizohet vetëm nëse fushata e vaksinimit vazhdon të përparojë.
Corona Impfzentren in den USA
“Tani mund të fillojmë të planifikojmë jetën tonë pas pandemisë”, tha politikani nga Partia Demokratike e Bidenit. “Drita në fund të tunelit nuk ka qenë kurrë më e fuqishme.” Kalifornia ishte shteti i parë amerikan që aplikoi një lockdown të plotë në mars 2020.
Shtëpia e Bardhë ka refuzuar deri tani propozimet për një certifikatë vaksinimi. Zëdhënësi i Biden, Jen Psaki tha se qeveria nuk mbështet një “sistem” që u kërkon qytetarëve të kenë një certifikatë vaksinimi. “Në nivelin e shteteve nuk do të ketë ndonjë bazë të dhënash për vaksinimet. Nga qeveria federale nuk do të ketë ndonjë urdhër që të gjithë duhet të kenë me vete ndonjë certifikatë vaksinimi.”
Vaksinat për vendet e varfëra
Kur flitet për furnizimin e vendeve të tjera me vaksina, Biden tha se shpreson shumë që para fundit të verës të mund të thotë se SHBA ka më shumë vaksina sesa ju duhen, e kjo ofron mundësinë e furnizimit të vendeve të tjera të varfra. Pa pasur vaksina në mbarë botën, nuk mund të thuhet se virusi është mundur. “Pa u realizuar ky synim, nuk mund të jemi plotësisht të sigurt”, tha Biden. Qeveria amerikane e ka shpallur si prioritet vaksinimin e popullsisë së vet. Presidenti Biden është akuzuar se po vazhdon doktrinën e Trumpit “America First” dhe se kjo doktrinë u ka pamundësuar vendeve të varfëra që të furnizohen me vaksina./DW
Të tjera
-
Bulliqi pret në takim Gërvallën, diskutojnë për Podujevën
Kryetari i Podujevës, Shpejtim Bulliqi ka pritur sot në takim, ministren për ...
-
Përplasje e ashpër në Komisionin për Integrime, kërkohet dorëheqja e ministres Hajdari
Ministrja e Industrisë, Ndërmarrësisë dhe Tregtisë, Rozeta Hajdari ka raportu...
-
BE vendos sanksione ndaj katër kolonëve izraelitë
Katër kolonë ekstremistë izraelitë në Bregun Perëndimor të pushtuar dhe Jerus...
-
Dogana e Kosovës sekuestron mbi tre mijë mbrojtëse të telefonave me marka të falsifikuara
Njësitë e Doganës gjatë kontrolleve kanë arritur të parandalojnë futjen e...
-
Dyshohet për dhúnë në familje, IPK rekomandon suspendimin e një kapiteni policor
Inspektorati Policor i Kosovës (IPK) i ka rekomanduar Policisë së Kosovës sus...
-
Zgjedhjet në Maqedoni të Veriut, kritikohet Kurti për përçarje të shqiptarëve
Më 24 prill do të mbahet raundi i parë i zgjedhjeve presidenciale në Maqedoni...
-
“Rrenë e kulluar elektorale”, Haradinaj i reagon Qeverisë për autostradën e Dukagjinit
Kryetari i Aleancës për Ardhmërinë e Kosovës, Ramush Haradinaj, ka reaguar nd...
-
SHBA vendos veto ndaj anëtarësimit të plotë të Palestinës në OKB
Më 18 prill, për shkak të votës veto të SHBA-së, projekt-rezoluta për t'i rek...
-
Policia kërkon bashkëpunim nga qytetarët për gjetjen e dy personave
Policia e Kosovës ka njoftuar qytetarët duke kërkuar bashkëpunim për gjetjen ...
-
Gjykata merr vendim për Akil Gjakoven, i ndalon afrimin ndaj bashkëshortës në distancë prej 50 metrash
Gjykata Themelore në Pejë – Departamenti i Përgjithshëm Penal, ka refuzuar kë...
-
Lajçaku thotë se anëtarësimi në BE, është nxitja më e fortë për zgjidhjen e mosmarrëveshjeve siç ka Kosova dhe Serbia
Ndërmjetësuesi i BE-së, për dialogun, Miroslav Lajçak ka thënë sot se perspek...
-
Ferizaj: Djali e rrāh babain, e sülmon me kubëz betoni dhe tenton ta godās me veturë
Një ngjarje e rëndë ka ndodhur të enjten në Ferizaj. Si rezultat i një mos...