Lajme

Biden e quan Putinin ‘kasap’

Autori: Gazeta inFokus 17:03 | 26 March 2022

Presidenti amerikan, Joe Biden e ka quajtur të shtunën presidentin rus, Vladimir Putin “kasap”, pasi u takua me nënat e zhvendosura ukrainase dhe fëmijët e tyre në Varshavë, Poloni.

Pushtimi vdekjeprurës i Putinit në Ukrainë më shumë se katër javë më parë ka çuar në krizën më të madhe të sigurisë në Evropë që nga Lufta e Dytë Botërore me më shumë se 3.7 milionë refugjatë që kanë ikur nga vendi i shkatërruar nga lufta.

Nënat ukrainase folën me presidentin teksa mbanin fëmijët e tyre dhe shpjeguan tërbimin e tyre për inkursionin e paligjshëm të Putinit, shkruan Foxnews, transmeton Klankosova.tv.

-Advertisement-

“Ne nënat ukrainase jemi gati ta mbysim me duar,” tha një grua, duke shpjeguar se burri dhe djali i saj qëndruan prapa për të luftuar.

Ndryshe, kjo është dita e dytë e qëndrimit të Biden në Evropë, pasi ditën e djeshme vizitoi trupat amerikanë që gjenden pranë kufirit të Polonisë me Ukrainën.

Subscribe në YouTube: GAZETA INFOKUSI