Lajme

Betohet qeveria estoneze, do të udhëhiqet për herë të parë nga një grua

Autori: Gazeta inFokus 16:41 | 26 January 2021

Kabineti 15-anëtarësh i kryeministres, Kaja Kallas, mori detyrën pasi ligjvënësit në parlamentin e Estonisë miratuan përbërjen e tij, të caktuar nga presidentja, Kersti Kaljulaid.

Kallas, 43 vjeç, është një juriste dhe ish-ligjvënëse e Parlamentit Evropian.

 

-Advertisement-

Partia Reformatore, e qendrës së djathtë dhe Partia e Qendrës me prirje të majtë arritën një marrëveshje të dielën për të formuar qeverinë. Të dyja këto janë partitë më të mëdha të Estonisë.

 

Kabineti i mëparshëm i kryeministrit, Juri Ratas, u rrëzua këtë muaj për shkak të një skandali korrupsioni.

Kabineti i Kallas do të jetë në funksion për pak më shumë se dy vjet, para zgjedhjeve të ardhshme të përgjithshme të caktuara për në mars 2023. Estonia është vend anëtar i Bashkimit Evropian dhe NATO-s. Një nga përparësitë e qeverisë është trajtimi i situatës së pandemisë dhe trazirave ekonomike të shkaktuara nga ajo.

Estonia, një vend prej 1.3 milionë banorësh, tani është një nga vendet e pakta ku presidenca dhe qeveria udhëhiqen nga gratë.

Subscribe në YouTube: GAZETA INFOKUSI

Të tjera

Fokusi

lajme