Sport

Betim Halimi: Unë jam një luftëtar, nuk ia kam frikën Spanjës!

Autori: Gazeta inFokus 14:16 | 30 March 2021

Portieri i kombëtares së Kosovës, Betim Halimi, ka folur për mediat e huaja para ndeshjes me Spanjën, që zhvillohet në kuadër të ciklit kualifikues për Kupën e Botës ‘Katar 2022’, shkruan Gazeta inFokus.

Halimi ka thënë se pasi e ka pranuar ftesën e ‘Dardanëve’ e ka llogaritur presionin që mund ta ketë.

Tutje ai ka shtuar se është një luftëtar dhe nuk i frikësohet Spanjës, derisa ka theksuar se nëse i jepet rasti për të mbrojtur nuk do të zhgënjejë.

“Sapo kam pranuar ftesën e kam llogaritur presionin. Unë jam një luftëtar, nuk kam frikë nga Spanja, dëshira ime është për të luajtur me ekipe të forta. Nëse trajneri më jap mundësinë, më besnoni, nuk do të ju zhgënjej”, ka thënë Halimi për ‘Bfootball’.

Gazetari ukrainas e provokoi portierin e Olimpik Donetsk duke e pyetur: “Përveç Kosovës, ju keni edhe shtetësi serbe. Shpjegoni këtë ju lutëm?

“Jo, jo unë kam vetëm pasaportë shqiptare dhe të Kosovës. Njerëzit në Ukrainë mendojnë se Kosova dhe Serbia janë së bashku, por kjo nuk është vërtetë, ne jemi një shtet sovran dhe i pavarur”, deklaroi ylli kosovar.

Ndeshja ndërmjet Spanjës dhe Kosovës zhvillohet të mërkurën nga ora 20:45 në stadiumin e Sevillas./Gazeta inFokus/

Të tjera

Fokusi

sport