Lajme

Besuan se është shërues, por uji nga burimet e Vushtrrisë është helmues

Autori: Gazeta inFokus 09:34 | 26 Korrik 2018

Disa nga banorët e Vushtrrisë kanë besuar se uji i burimeve që ndodhen në këtë qytet është i shërueshëm.

Por, pas analizave kimike të bëra, është konstatuar që uji nuk mund të përdoret për pije.

Miti se uji i burimeve të Vushtrrisë është i shërueshëm doli të jetë i pavërtetë.

-Advertisement-

Madje, ai është helmues por që ende vazhdon të përdoret për pije, tregon Ruzhdi Maloku.

“Ujin më shumë e përdorin fëmijët, dhe nuk e dinë rëndësinë e tij. Edhe kalimtarët e rastit e përdorin në raste të rralla”, shprehet për RTV Dukagjinin qytetari Ruzhdi Maloku.

Kryetari i Komunës së Vushtrisë, Xhafer Tahiri besimin që kanë disa nga banoret për shërim nga burimi thotë se nuk qëndron, duke treguar se nga analizat e bëra ai ujë nuk duhet konsumuar.

“Analizat e bëra nga Instituti i Shëndetit Publik rezultojnë se ai ujë nuk është i pijshëm sepse përmban elemente që e bëjnë atë ujë të papijshëm. Uji mund të përdoret për çështje të tjera siç është marrja e abdestit, por për pije uji nuk bën të përdoret”, tha Tahiri.

Madje Tahiri thotë se në asnjë burim të qyteteve të Kosovës uji i tillë nuk është për pije.

“Uji nga puset në asnjë qytet në Kosovë nuk bën të pihet, e as në Vushtrri uji nga puset nuk pihet, këtë e dinë shumica e qytetarëve. Ujin e puseve nuk e përdorin as bizneset për pije apo ushqim”, shprehet më tej Xhafer Tahiri.

E për të parandaluar konsumimin nga këto burime, Tahiri bëri të ditur se ekziston mundësia e vendosjes së një shenje adekuate pranë tyre.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy