Lajme

Besnik Bislimi krahason punën e Berat Rukiqit me misionin e Serbisë për ekonominë e Kosovës

Autori: Gazeta inFokus 21:56 | 27 November 2020

Ish-ministri i financave Besnik Bislimi, ka adresuar akuza të rënda ndaj disa përfaqësuesve të komunitetit të biznesit, sidomos kreu të Odës Ekonomike të Kosovës, Berat Rukiqi.

Ajo çfarë ka bërë Berat Rukiqi gjatë pandemisë, sipas Bislimit krahasohet me një misionin e Serbisë në Kosovë.

Sipas Bislimit, Rukiqi duke i frikësuar qytetarët për humbje të vendeve të punës, ka vepruar sikur lobistët serbë.

“Berat Rukiqi duke thënë se 80 për qind e qytetarëve kanë me mbet pa punë, ose kanë me shku në bankrot kaq biznese, ata kanë bërë punën që është dashur të bëjë Serbia në Kosovë, me i tremb bizneset me u largu, sepse si përfaqësues i biznesit e ka për detyrë me i ruajt bizneset, ka thënë Bislimi në emisionin “Ekonomia’Fokus”.

Ish-ministri i Financave u shpreh se kjo mund të jetë e rëndë, por që sipas tij janë fakte.

“Kjo mund të jetë e rëndë, por nëse unë e them se Rukiqi e ka bërë këtë, unë them një fakt, fakti mund të dhemb por është i vërtetë. Unë po them që këtë detyrë është dashur ta kryejnë lobistët në Serbi, që në Kosovë kanë me u largu punëtoret, kanë me dështuar bizneset që pastaj me hap tregun për prodhimet e veta, janë mundur ta bëjë këtë me pretendimet me rrëzu qeverinë”, ka thënë Bislimi./Gazeta inFokus/

Të tjera