Lajme

Besa Kabashi-Ramaj e nominuar për çmimin prestigjioz ndërkombëtar nga Universiteti i Pittsburgh-ut

Autori: Gazeta inFokus 15:15 | 09 June 2025

Besa Kabashi-Ramaj nga Partia Demokratike e Kosovës, është nominuar për Çmimin Ndërkombëtar “Sheth” për Alumni të Rinj nga Universiteti i Pittsburgh-ut – një nga vlerësimet më prestigjioze për ndikim global nga ky institucion i njohur akademik në SHBA.

Lajmin e ka ndarë vetë Kabashi-Ramaj, duke e cilësuar këtë nominim si një moment krenarie personale, por edhe një dëshmi se edhe një vend i vogël mund të ketë vizion të madh dhe ndikim përtej kufijve.

“Me përulësi e përgjegjësi e pranoj këtë nominim, si dëshmi se puna me përkushtim dhe integritet gjithmonë lë gjurmë”, ka shkruar kandidatja për deputete e PDK-së.

-Advertisement-

Ky vlerësim nderon individët që kanë kontribuar në mënyrë të jashtëzakonshme në komunitetet e tyre dhe përtej tyre, duke qenë ambasadorë të vlerave globale të arsimit dhe zhvillimit të qëndrueshëm.
Çmimi Sheth International Young Alumni Achievement Award, me origjinë nga The Sheth Foundation, është një nga çmimet më të larta që u akordohen çdo vit studentëve të rinj ndërkombëtarë (brenda 15 viteve pas diplomimit) nga Universiteti i Pittsburgh-ut, për kontribut global të rëndësishëm në komunitetet e tyre dhe më gjerë./Gazeta Infokus

Subscribe në YouTube: GAZETA INFOKUSI
Prince Caffe dhuron veturën “Kia Sportage” (VIDEO)
-Advertisement-

Të tjera

Fokusi

lajme