Bernard Challandes në hall të madh, futbollistët e Kosovës jashtë formës
Autori: Gazeta inFokus 15:30 | 21 September 2020
Kur kanë mbetur vetëm edhe 17-të ditë nga ndeshja me e rëndësishme e kombëtares së Kosovës kundër Maqedonisë Veriore, djelmoshat dardan nuk po kalojnë në formë aq të mirë, shkruan Gazeta inFokus.
Tashmë kur ka filluar sezoni i ri në pothuajse të gjitha ligat evropiane, disa nga lojtarët e Kosovës nuk po e gjejnë veten në formacionet startuse të skuadrat e tyre.
Dikujt i mungojnë minutat, dikush është i lënduar, e disa po presin të transferohen në klube të tjera, duke ngjallur kështu dyshime se a do të jetë Kosova e gatshme për sfidën Maqedonisë.
8 tetori është nja nga ditët më të rëndësishme për ‘dardanët’ në arenën ndërkombëtare, pasi fitorja do të i’a siguronte biletën për në finalen e Play-Offit të Ligës së Kombeve ndaj Bjellorusisë ose Gjeorgjisë.
E në rast triumfi ndaj bjellorusëve ose gjeorgjianëve, kosovarët do të kualifikoheshin për herë të parë në Kampionatin Evropian.
Fatkeqësisht, për momentin ‘Dardanët’ nuk po kalojnë në një formë aq të mirë.
Gjatë ditës së sotme klubi i Lazios ka njoftuar që super sulmuesi Vedat Muriqi, pas testimit ka rezultuar pozitiv me koronavirus. Klubi italian madje ka njoftuar që prizrenasi do të mungoj deri nga mesi i muajit tetor për shkak të lëndimit, duke humbur kështu ndeshjen kundër Maqedonisë.
Arbër Zeneli është rikthyer nga lëndimi dhe gjendja e tij nuk është stabile. 25 vjeçari kishte munguar për më shumë se një vit, pasi kishte këputur ligamentet, kështu faza e rikuperimit i kishte marrur shumë kohë, duke ndikuar kështu edhe në formën e tij.
Në anën tjetër Milot Rashica akoma nuk e ka të qartë të ardhmen e tij. Ofertat për yllin kosovar nuk kanë munguar aspak dhe sipas mediave thuhet që Rashica është në diskutime me klubin anglez, Aston Villa.
E ardhmja e vushtrriasit akoma nuk është e qartë duke ngjallur kësisoj dyshime se a do të jetë i gatshëm për ndeshjen e tetorit.
Minutat po u mungojnë edhe Anel Rashkajt dhe Herolind Shalës. Dyshja e mesfushës së kombëtares fatkeqësisht nuk janë duke kaluar në formë aq të mirë dhe nëse ata vazhdojnë të mbesin në stol mund te mos jenë të gatshëm në muajin tetor.
Edon Zhegrova është rikthyer tek klubi i tij, Genk, pas huazimit një vjeçar në Basel. Talenti kosovar fatkeqësisht nuk kishte aq shumë minuta as kur ishte në klubin zviceran, duke mos u ftuar fare nga trajneri Challandes në ndeshjet e muajit shtator.
Amir Rrahmani gjatë kësaj vere ka bërë një hap mjaft gjigand në karrierë duke nënshkruar me klubin e madh italian, Napoli, mirëpo kapiteni i Kosovës gjatë fundjavës që lamë pas nuk është aktivizuar për asnjë minutë.
Rasti i njëjtë ka ndodhur edhe me Mërgim Vojvoden. 25 vjeçari nuk ka luajtur në ndeshjen që klubi i tij i ri, Verona zhvilloj të shtunën kundër Romës.
Për Florent Hadërgjonaj thuhet që është në diskutime për tu larguar nga klubi turk Kasimpasa, që iu bashkua sezonin e kaluar nga, Huddersfieldi, që po ashtu nuk i kishte minutat që i duheshin.
Benjamin Kololli ka pësuar një lëndim të shtunën në ndeshjen që Zurich zhvilloj kundër Young Boys, por klubi akoma nuk ka dhënë asnjë detaj të shkalles së lëndimit të tij.
Forma jo e mirë e lojtarëve dardan dhe lëndimi i disa prej tyre e kanë venë në hall të madh trajneri, Bernard Challandes, i cili do të ketë punë të madhe për ta përzgjedhur formacionin startues ndaj Maqedonisë./Gazeta inFokus/
Të tjera
-
Arrestohet i dyshuari që gjuäjti dhe vräu një person në rrugën “B” në Prishtinë
Policia ka njoftuar se kanë arrestuar personin e dyshuar i cili mbrëmë në orë...
-
Vdekja e dyshimtë e gruas në Spitalin e Vranjës, Kamberi: Mungesa e të punësuarëve shqiptarë, dëshmi e trajtimit të pabarabartë
Deputeti shqiptar në Parlamentin e Serbisë, Shaip Kamberi ka reaguar lidhur r...
-
Avokatja: Me të thënë “je e bukur”, “je sharmante” – nuk është ngäcmim
Avokatja Fehmije Gashi-Bytyqi ka komentuar disa ngjarje të ndodhura së fundmi...
-
“Shkarkojnë policë që hetojnë akterët e VV-së”, Kica-Xhelili numëron skandalet e Qeverisë Kurti
Doarsa Kica Xhelili, deputete e LDK-së, ka renditur sipas saj dhjetë skandale...
-
Krasniqi viziton Ganimete Musliun pas ndërhyrjes që pati: Ke shumë miq, kolegë dhe dashamirë që mezi presin rikthimin tënd
Kryetari i PDK’së, Memli Krasniqi, ka njoftuar se bashkë me gruan e tij, Meli...
-
Një çift i moshuar kosovar arrestohet në Gjermani në prani të mbesës 8-vjeçare
Policia federale e Gjermanisë ka arrestuar një çift në aeroportin e Dortmundi...
-
Dyshohet për sülm sek*ual ndaj 16 vjeçares në Shtime, kërkohet paraburgimi i të pandehurit
Tridhjetë ditë paraburgim ka kërkuar Prokuroria Themelore në Ferizaj për Xh.I...
-
Kuvendi miratoi Projektligjin për zyrtarët publikë
Kuvendi i Kosovës ka miratuar në shqyrtim të parë Projektligjin për zyrtarët ...
-
Përfundon dëshmia e dëshmitarit të 57-të në rastin e Thaçit dhe të tjerëve
Dhomat e Specializuara të Gjykatës Speciale të Hagës bëjnë me dije sot ka për...
-
Dënohen me pesë vite burgim tre zyrtarë të Fushë Kosovës, akuzoheshin për korrupsion
Gjykata Themelore në Prishtinë ka shpallur aktgjykim dënues ndaj tre zyrtarëv...
-
Dy milionë britanikë vuajnë nga simptoma të gjata të COVID-it, tregon studimi
Dy milionë njerëz në të gjithë Anglinë dhe Skocinë ende vuajnë nga simptoma t...
-
Deputetja finlandeze takon presidenten Osmani: Kosova duhet pranuar në Këshillin e Evropës pa parakushte shtesë
Deputetja finlandeze, Tytti Tuppurainen ka takuar presidenten Vjosa Osmani. ...