Lajme

Bërnabiqit s’i pëlqen deklarata e Baerbockut për dërgimin e forcave serbe në Kosovë

Autori: Gazeta inFokus 22:56 | 11 December 2022

Kryeministres serbe, Ana Bërnabiq, duket se nuk i ka pëlqyer fare deklarata e ministres së Jashtme gjermane, Annalena Baerbock.

Kjo e fundit, duke reaguar për situatën në veri, fajin ia vuri Serbisë, ndërsa shtoi se edhe ideja për “dërgimin e forcave serbe në Kosovë” është e papranueshme, raporton Klankosova.tv.

E Bërnabiqi, duke iu përgjigjur kryediplomates gjermane në Twitter, tha se Serbia po kërkon vetëm respektimin e Rezolutës 1244 të KS të OKB-së për dërgimin e forcave policore e ushtarake në Kosovë.

-Advertisement-

Ajo madje e kritikoi Baerbockun dhe homologët e saj të vendeve të G7-ës se po bëhen selektivë në lidhje me respektimin e rezolutave të KS të OKB-së.

“Në komunikatën e fundit të Ministrave të Jashtëm të vendeve të G7 (14 maj 2022), në adresimin e çdo problemi apo krize në botë (Libi, Siri, Jemen, Somali, etj.) ata kanë kërkuar zbatim të rreptë të Rezolutave respektive të Këshillit të Sigurimit të OKB-së (RKSKB). Tani, çuditërisht, MPJ-ja e Gjermanisë po thotë shprehimisht se Rezoluta 1244 e KS të KB-së – e cila përcakton se Serbia ka të drejtë të kërkojë kthimin e një numri të caktuar të forcave të saj të sigurisë” në Kosovë, “duhet të injorohet, sepse është ‘e papranueshme’”.

“Për sa i përket të drejtës ndërkombëtare dhe stabilitetit, në bazë të cilave kritere vendosni se cila Rezolutë duhet të respektohet dhe cila duhet të injorohet – p.sh., në rastin e Libisë, Rezoluta 2571 e KS të OKB-së duhet të respektohet, por në rastin e Serbisë, Rezoluta 1244 duhet të injorohet? Nivel mahnitës i absurditetit”, shkroi kryeministrja serbe, raporton Klankosova.tv.

Ndër të tjera, ajo tha se “ajo që dëshirojnë serbët” në Kosovë është “paqja dhe stabiliteti”.

Për fund, ajo nuk e la pa e fajësuar kryeministrin Albin Kurti për situatën e krijuar në veri.

“Diçka e fundit: nuk do të kishte tensione që duheshin ulur nëse Kurti do t’i respektonte marrëveshjet dhe nuk do t’i shkelte ato në mënyrë të njëanshme”, përfundoi kryeministrja serbe, Ana Bërnabiq.

Subscribe në YouTube: GAZETA INFOKUSI
Edhe dy medalje të arta – Viva Fresh, lider në cilësi, produkte dhe shërbime në Kosovë
-Advertisement-

Të tjera

Fokusi

lajme