Lajme

Bërnabiq para KS “arsyeton” sulmin terrorist në Kosovë, “faji i Prishtinës se po i terrorizon serbët”

Autori: Gazeta inFokus 10:24 | 24 October 2023

“Kriza në Kosovë në mënyrë tragjike, por të parashikueshme, u përshkallëzua më 24 shtator, kur pati një konflikt të armatosur midis “një grupi të serbëve” të armatosur dhe formacioneve policore e “paramilitare” nga Prishtina në fshatin Banjskë”, ka deklaruar kryeministrja serbe Ana Bërnabiq në seancën e Këshillit të Sigurimit të OKB, duke deklaruar se “Beogradi nuk ka lidhje me këtë ngjarje”, transmeton Paparaci.

“Hetimet janë duke vazhduar për të dhënë të gjitha përgjigjet dhe për të sqaruar të gjitha paqartësitë në lidhje me këto ngjarje, duke përfshirë mënyrën në të cilën dy nga tre serbët e humbën jetën”, ka thënë Bërnabiq, duke tentuar ta fyej inteligjencën e pjesëmarrësve të seancës duke thënë se “duket se janë ekzekutuar me gjakftohtësi”.

“Unë me përgjegjësi pohoj se as Beogradi dhe as strukturat e sigurisë së Serbisë nuk kanë pasur asnjë lidhje me këtë ngjarje dhe ne jemi të gatshëm t’i ofrojmë komunitetit ndërkombëtar të gjitha informacionet dhe provat që janë sot në dispozicion për të konfirmuar këtë deklaratë”, ka vazhduar Bërnabiq në të njëjtën frymë.

-Advertisement-

Ajo ka shprehur “keqardhjen për humbjen e jetëve të njerëzve”, dhe ka thënë se “shpreson qe kjo të mos ndodhë më”.

“Ngjarjet në Banjskë janë pasojë logjike e sundimit të frikës dhe terrorit që Prishtina vendosi ta zbatojë, përkundër kërkesave të qarta të bashkësisë ndërkombëtare për de-përshkallëzim”, ka pretenduar ajo.

Subscribe në YouTube: GAZETA INFOKUSI
Etiketa:
Shijoni eksperiencën e re të blerjes në Meridian Express x EXFIS!
-Advertisement-

Të tjera

Fokusi

lajme