Lajme

Berisha: SPAK-u organizatë kriminale, masa e sigurisë do të më shtojë votat si Donald Trumpi

Autori: Gazeta inFokus 11:21 | 06 January 2025

Sali Berisha u paraqit paraditen e së hënës në ambientet e SPAK-ut për ta zbatuar masën e sigurisë “detyrim paraqitje” ndaj tij.

Pas daljes nga SPAK-u, Sali Berisha ngriti akuza të forta ndaj këtij institucioni të drejtësisë, madje duke e quajtur atë edhe organizatë kriminale. Ndërkohë, ai tha se masa e sigurisë do ta ndihmojë të shtojë mbështetjen e qytetarëve, sipas tij, ashtu siç ndodhi me Donald Trumpin në SHBA.

“Kjo masë sigurie do të më shtojë shumë vota. Këtë qëndrim mbajtën sorosianët ndaj Donald Trumpit, por kombi vendosi. Nëse një prokuror merr dosjen e krimit dhe bën gjithçka për ta mbyllur atë, ai bashkëpunon me të. Në dosjen Toyota Yaris, ndodhi akti më i shëmtuar.

-Advertisement-

Ne i kemi denoncuar këta për shpifje, manipulime dhe falsifikime në Prokurorinë e Tiranës, por pa bërë asnjë njoftim, u dërguan në SPAK, por çështja e mbyll dhe këtë ne do ta çojmë në gjykatë, do t’i ndjekim të gjitha instancat. Aty ku nuk funksionon drejtësia ka një prokurori publike.

Rama tha se i ka përdorur EncroChat. Janë të identifikuara 73 aparate në Këshillin e Ministrave. Falenderoj SKAP-in që më dha mundësinë të fillojë publikimin e dokumenteve te dera e tij”, u shpreh Berisha. (A2 Televizion)

Etiketa:
Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy