Lajme

Berisha: Rrëzimi i mocionit të mbrojtjes së ish-krerëve të UÇK-së tregon qëllimin djallëzor të Gjykatës Speciale

Autori: Gazeta inFokus 12:11 | 16 Korrik 2025

Ish-deputeti i Kuvendit të Kosovës, Zafir Berisha, ka reaguar ashpër ndaj vendimit të Gjykatës Speciale në Hagë, e cila sot ka refuzuar mocionin e mbrojtjes për rrëzimin e një pjese të aktakuzës ndaj ish-krerëve të Ushtrisë Çlirimtare të Kosovës.

Përmes një postimi në Facebook, Berisha ka vlerësuar se mënyra se si është hedhur poshtë ky mocion tregon, sipas tij, qëllimet politike dhe të njëanshme të kësaj gjykate, shkruan Gazeta Infokus.

“Sjellja e Gjykatës Speciale në këtë rast është e mjaftueshme për të kuptuar qëllimin djallëzor të saj. Me hapa të sigurt po ecën drejt realizimit të synimeve të Serbisë, bashkë me argatët e saj në Kosovë dhe ata që sponsorizuan këtë gjykatë,” ka shkruar ai.

-Advertisement-

Berisha ka kritikuar edhe qëndrimin e Shqipërisë, duke thënë se kishte pritur mbështetje më të fortë nga Tirana në arenën ndërkombëtare për të kundërshtuar narrativën që, sipas tij, u përdor për krijimin e kësaj gjykate. Ai e quajti reagimin e institucioneve shqiptare si “retorikë boshe patriotike”.

Sa i përket zhvillimeve brenda Kosovës, Berisha akuzoi qeverinë aktuale për bashkëpunim me Serbinë dhe për përkrahje të proceseve që, sipas tij, po dëmtojnë çliruesit dhe vetë shtetin.

“Dënimi eventual i Hashim Thaçit dhe bashkëluftëtarëve të tij do të përbënte pikënisjen e zhbërjes së shtetit të Kosovës – një projekt për të cilin, sipas tij, po punojnë Serbia dhe qeveria kuislinge e Albinit,” përfundoi Berisha.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy