Lajme

Berisha: Rama udhëton me kompani që janë në hetim ndërkombëtar

Autori: Gazeta inFokus 14:30 | 16 January 2023

Partia Socialiste ka rrëzuar kërkesën e Partisë Demokratike për ngritjen e një komisioni hetimor për fluturimet e kryeministrit Edi Rama. Sot gjatë konferencës për shtyp kreu i PD Sali Berisha duke komentuar këtë vendim vijoi me tej me akuzat duke thënë se kompanitë me të cilat fluturon Rama janë në hetim ndërkombëtar në dy vende. Ai shtoi se ka dyshime që me avionin e tij bëhet transport i parave dhe të lëndëve të tjera.

“U mblodhën firmat dhe u dorëzua kërkesa për të hetuar Edi Ramën. Sepse një njeri që kryen 137 fluturime me charter, në një kohë kur qytetarët e tij rrezikojnë jetën me gomone, ky është njeri i degraduar nga cdo lloj aspekti.

Nuk po ndalem këtu në transportet që flitet se bën avioni i tij, të parave dhe të lëndëve të tjera dhe në itinerare të caktuara. Nuk po ndalem këtu. Nuk po ndalëm në fluturimet e tij me kompani që janë në hetim ndërkombëtar. Jo në një, por në dy vende. Ky është kryeministër, por ne po ndalemi në 137 faturime 22 mln euro.

-Advertisement-

Në çdo vend të botës kjo përbën një superskandal. Cila është përgjigja. Përgjigja është e rrëzojnë në kryesi që nuk kanë asnjë kompetencë për rrëzimin e saj, zero kompetenca. Ajo është e drejtë  kushtetuese e deputetëve të parlamentit”, theksoi Sali Berisha. /Express

Subscribe në YouTube: GAZETA INFOKUSI
Studio MASTER në UNI, Merr Diplomë dhe lejeqëndrim t’përhershëm në GJERMANI
-Advertisement-

Të tjera

Fokusi

lajme