Lajme

Berisha: Para dy viteve kam paralajmëruar për mishin e prishur

Autori: Gazeta inFokus 16:19 | 18 April 2018

Deputeti i Kuvendit të Kosovës nga radhët e Nisma-së, Zafir Berisha përmes një postimi në ‘facebook’ ka bërë të ditur se dy vite më parë kishte paralajmëruar për mishin me afat të skaduar në Kosovë.

Berisha ka shkruar gjithashtu se sot është shumë vonë për të diskutuar për këtë temë pasi pasojat janë shumë të mëdha.

Më poshtë mund të gjeni të plotë statusin e Berishës:

-Advertisement-

Me 30.11.2016 pata folur për mishin me afat të skaduar…

,,Konsumimi i produkteve me afat të skaduar, vihet në pikëpyetje shëndeti i qytetarëve. Janë vërshuar edhe sëmundje kancerogjene që vinë si rezultat i vërshimit në treg të produkteve ushqimore me afat të skaduar.

Po i përmend disa tituj nëpër media:

Janë gjetur në ETC, mish pa afat të cilëve nuk iu dihet prejardhja.

20 tonë mish gjedhi është bllokuar në Vermicë pasi është tentuar të futet në treg ilegalisht.

20 tonë mish pule ndalohen të hyjnë në treg.

Zbulohet depo ku i ndërrohet afati produkteve të mishit”.

-Sot është tepër vonë me folë për këtë problematik sepse pasojat janë shumë të mëdha për shëndetin e qytetarëve.’.

Kuvendi i Kosovës sot ka mbajtur vazhdimin e seancës për mishin e prishur dhe cilësinë e ushqimit në Kosovë.

Në këtë seancë nuk morën pjesë kryeministri i Kosovës, Ramush Haradinaj dhe ministrat e Qeverisë./INFOKUSI

Subscribe në YouTube: GAZETA INFOKUSI