Lajme

Berisha: Jo profesionalizimi dhe vendimi pa menduar mirë bëri që ambasadori amerikan të kërkojë shtyrjen e vendimeve të Kurtit

Autori: Ermirë Berisha 23:47 | 05 August 2022

Deputeti Bekë Berisha, i ka komentuar veprimet e fundit në veri të vendit si dhe ndërhyrjen e ambasadorit amerikan në Kosovë, i cili kërkoi shtyerjen e vendimit të qeverisë së Albin Kurtit për reciprocitet në targa dhe dokumente edhe për një muaj.

“Në aspektin e sigurisë i bjen që ambasadori amerikan e ka pa një jo profesionalizëm, një vendim të pamenduar mirë, edhe e ka nxjerrë prej asaj situate Kosovën. Amerika gjithherë është gjendur ranë qytetarëve të Kosovës, pranë policisë pranë politikanëve, pranë ruajtjes së qetësisë. Edhe tash a kanë qenë të koordinuar përpara apo janë koordinuar aty për aty, pasi e ka vlerësu partneri ynë strategjik pra Amerika, tashti mbetet pyetje prap për kryeministrin, por unë jam i bindun që kjo qeveri nuk ka ekspertizë të mjaftueshme, nuk duhet më bë veprime e as “show” politik, as “show” me Policinë e Kosovës, as me Ushtrinë e Kosovës e as me qytetarët.”, ka thënë deputeti Bekë Berisha në emisionin N’Konak me Islam Morinën./Gazeta Infokus/

Të tjera