Sport

Berisha: Ja çfarë na ndodh nëse nuk fitojmë ndaj Izraelit

Autori: Gazeta inFokus 12:05 | 13 October 2018

Etrit Berisha me “laps në dorë” për dy takimet e fundit në Nations League. Portieri kuqezi, i cili luajti titullar në miqësoren me Jordaninë, e ka të qartë se çfarëdo rezultati të marrë Shqipëria në transfertë me Izraelin, do t’i duhet patjetër fitorja me Skocinë në takimin e fundit, që do të luhet në “Loro Boriçi”.

“Mundësitë ekzistojnë për të fituar, janë reale. Po ashtu, duke marrë parasysh që fitoi Izraeli ndeshjen e djeshme, nëse nuk marrin rezultat pozitiv, ndeshja me Skocinë vlen pak”, ka deklaruar Berisha.

Fitorja e Izraelit me Skocinë: E kemi ndjekur të gjithë bashkë. Pjesën e parë dominoi Skocia dhe pjesën e dytë Izraeli pati kurajë dhe fitoi. Ne e njohim pak a shumë Izraelin si ekip, por edhe ne jemi rritur si ata. Kjo ndeshje do të jetë e rëndësishme. Nuk do të ishte i keq barazimi. Gjithsesi, mendoj se ndeshja vendimtare do të jetë me Skocinë.

-Advertisement-

Qëndrimi tek Atalanta: Kisha mendjen të luaja në Eurpa League. Dua të bëj gjëra të mira me Atalantën. Jo gjithçka ka shkuar siç duhet , por jam i përqendruar. Në stol tek Atalanta? Janë gjëra që ndodhin në futboll dhe jam i qetë. Besoj se do të kthehem shpejt.”

Të rinjtë në kombëtare: Momentalisht ka shumë prurje. Është e vështirë për ne jemi në skuadër që të flasim. Këta të rinj duhet të inkuadrohen shpejt, sepse ka pak ndeshje miqësore. Duhet të punojmë edhe më shumë në këtë aspekt.

Subscribe në YouTube: GAZETA INFOKUSI

Të tjera

Fokusi

sport