Lajme

Berisha: Hoti nuk është në nivelin elementar të një burrështetasi

Autori: Gazeta inFokus 15:12 | 27 Maj 2017

Anëtari i Kryesisë se Aleancës për Ardhmërinë e Kosovës, Anton Berisha ka reaguar ndaj një deklaratë të Avdullah Hotit, kandidat për kryeministër nga koalicioni LDK-AKR.

Berisha në një shkrim në llogarinë e tij në ‘Facebook’, ka shkruar se deklarata e Hotit se vetëm me qeverinë e koalicionit qe ai përfaqëson mund të bëhet ushtria është tregues qe sipas Berishës ai nuk është në nivelin elementar të një burrështetasi.

Berisha, i cili është kandidat për deputet nga AAK ka thënë se qytetarët e Kosovës kërkojnë seriozitet në trajtimin e temave shtetërore.

-Advertisement-

Statusi i plotë i Berishës:

Avdullah Hoti, është kandidat i koalicionit LDK-AKR-Alternativa për kryeministër të Kosovës. Pavarësisht se i përket një koalicioni tjetër rival, për mua ka pëshë ky nominim. Qëndrimet e tij duhet të paraqesin opsione për fatin e vendit tonë në vitet në vijim.

Qytetarët e Kosovës i kërkojnë seriozitet në trajtimin e temave shtetërore dhe temave të tjera sektoriale. Deklarata e tij, se vetëm me qeverinë e koalicionit që ai përfaqëson mund të bëhet ushtria, është tregues se z. Hoti nuk është në nivelin elementar të një burrështetasi. Po të mos ishte rival politik, do ta quaja zhgënjyese – e meqë është, deklarata, në kuptimin politik është fëmijërore.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy