Lajme

Berisha flet për herë të parë për humbjen në Shkodër dhe mundësinë për dorëheqje

Autori: Gazeta inFokus 14:37 | 16 May 2023

Ish-kryeministri i Shqipërisë, Sali Berisha, e komentoi për herë të parë rezultatin e zgjedhjeve në Shkodër, ku koalicioni “Bashkë Fitojmë” humbi si asnjëherë më parë gjatë 32 viteve të fundit.

Berisha tha se në Shkodër janë hedhur dhjetëra milionë euro, si dhe qytetarët votuan nën rrethimin e bandave të lidhura me qeverinë.

Pyetjes së gazetarëve nëse do të japë dorëheqjen, Berisha zgjodhi t’i përgjigjej duke thënë se kurrë “nuk dorëzohet përpara krimit”.

-Advertisement-

“Shkodra votoi nën pushtim të vërtetë. Të gjitha pollet e kundërshtarëve tani, por dhe tonat, e nxirrnin Bardh Spahinë 14 ose 16 pikë përpara. Kurrë, unë nuk tërhiqem përpara bandave të krimit shtetëror dhe joshtetëror. Shkodra është shembulli më i shëmtuar ku u votua nën rrethim nga banditët e Edi Ramës. Në Shkodër u përdorën dhjetëra milionë euro. Jam i bindur se qytetarët e Shkodrës nuk do ta pranojnë pushtetin e krimi”, tha Berisha.

Subscribe në YouTube: GAZETA INFOKUSI
Etiketa:
Nis bashkëpunimi serioz dhe strategjik midis Comodita dhe JYSK International
-Advertisement-

Të tjera

Fokusi

lajme