Lajme

Berisha: Edhe Izraeli ka ofruar garanci për lirimin me kusht të Thaçit dhe të tjerëve

Autori: Gazeta inFokus 21:30 | 03 May 2021

Ish-kandidati për deputet nga radhët e PDK’së, Hisen Berisha, ka bërë me dije për herë të parë se edhe Izraeli ka ofruar gatishmëri që të japë garanci për lirimin me kusht të ish-eprorëve të UÇK’së që po akuzohen në Hagë.

Berisha këtë pohim e ka bërë ekskluzivisht në ‘Pressing’ në T7, teksa ka thënë se gatishmëria e këtyre shteteve vjen si rezultat i raporteve të mira në kuadër të institucioneve.

“Kemi ndërtu raporte miqësore, me punë zyrtare, që mbesin edhe sot e do na përcjellin ne te ardhmen. Në vija të komunikimi miqësor me persona që janë zyrtarë të shtetit të Kroacisë, kemi parë vullnet pozitiv të tyre, për të ofruar këtë garancë. Këtë e kemi bërë të ditur me atë qëndrim çfarë theksojmë. Kjo qëndron. Kjo duhet t’i vë në veprim institucionet e Kosovës, qoftë t’i inkurajojnë, apo të vënë kontakt, jo vetëm me Kroacinë. Këtë gatishmëri e kanë shpërfaqur edhe Austria edhe Sllovenia. Edhe qeveria e Izraelit kanë ofruar garanci. Vullneti pozitiv qëndron edhe tek Izraeli për ta bërë një gjë të tillë”, ka thënë ai.

-Advertisement-

Ai ka thënë se njoftimi për gatishmërinë e shteteve të tjera të treta për garancion të mbrojtjes në liri duhet të shihet si nxitje nga institucionet e vendit për mbrojtjen e të arrestuarve në Hagë.

Në anën tjetër, Taulant Hodaj, avokati i akredituar nga Dhomat e Specializuara, në emisionin ‘Pressing’ ka thënë se ekziston baza ligjore që Kosova të ofrojë garancion për lirimin me kusht të ish-krerëve të UÇK’së.

Subscribe në YouTube: GAZETA INFOKUSI

Të tjera

Fokusi

lajme