Lajme

Beogradit s’i pëlqen vendimi i INTERPOL-it për Haradinajn (Foto)

Autori: Gazeta inFokus 10:05 | 02 December 2017

Kryeministri i Republikës, Ramush Haradinaj, së bashku me 17 persona të tjerë edhe zyrtarisht tanimë janë larguar prej listave të kërkimit nga organizata më e madhe ndërkombëtare e policisë.

Ky fakt nuk u ka ikur edhe mediave beogradase. Gazeta “Blic.rs” në ballinën e sotme publikon një shkrim me titull; “UZALUD POTERNICA SRBIJE “Interpol uklonio Haradinaja sa spiska traženih lica”, duke treguar kështu hapat për lirimin e shefit të qeverisë kosovare.

Mediumi në fjalë citon ministrin e Drejtësisë, Abelard Tahiri i cili konfirmoi heqjen e flet-arrestit të lëshuar nga Serbia për 18 persona.

-Advertisement-

“Pas këtij vendimi, të gjithë këta individë janë të lirë të udhëtojnë jashtë Kosovës pa asnjë problem”, u shpreh ai.

Vlen të theksohet se në fillim të këtij viti, Haradinaj u arrestua në Francë nën një urdhër të lëshuar nga Serbia, por që më pas u lirua pasi gjykata franceze hodhi poshtë kërkesën për ekstradim në Beograd.

Serbia kërkonte Haradinaj për kryerjen e krimeve të luftës si ish-komandant i UÇK.

Subscribe në YouTube: GAZETA INFOKUSI
Etiketa:
Shkëlqim Devolli dhe Adriatik Kelmendi e presin ambasadorin amerikan, Jeff Hovenier
-Advertisement-

Të tjera

Fokusi

lajme