Lajme

Bekim Jashari: Sot kujtojmë luftën e UÇK-së në krye me Adem Jasharin

Autori: Gazeta inFokus 16:12 | 12 June 2022

Ish-kryetari i Skenderajt, Bekim Jashari, ka kujtuar 23-vjetorin e çlirimit të vendit.

Ai thotë se 12 Qershori shënon kurorëzimin e përpjekjeve tona shekullore për Liri, kujtojmë e nderojmë të gjithë dëshmorët e martirët që ranë në altarin e lirisë për të mos vdekur kurrë.

Postimi i tij:

-Advertisement-

Urime 23 vjetori i çlirimit Kosovë!

Në këtë ditë historike që shënon kurorëzimin e përpjekjeve tona shekullore për Liri, kujtojmë e nderojmë të gjithë dëshmorët e martirët që ranë në altarin e lirisë për të mos vdekur kurrë.

Sot kujtojmë e nderojmë luftën e shenjtë të Ushtrisë Çlirimtare të Kosovës, në krye me Komandantin Legjendar Adem Jashari, kujtojmë masakrat mbi popullin tonë të pafajshëm e liridashës shqiptar, sakrificën e invalidëve të UÇK-së e viktimat civile të luftës sonë çlirimtare.

Përjetë mirënjohës ndaj Shteteve të Bashkuara të Amerikës, shteteve tjera mike të Kosovës dhe NATO-s për përkrahjen e dhënë në rrugën tonë të çlirimit nga okupatori serb.

Sot 23 vite pas, është obligim i secilit nga ne që të angazhohemi maksimalisht në jetësimin e amanetit të të rënëve për të pasur një shtet të zhvilluar që siguron mirëqenie e kushte të barabarta në shkollim e punësim.

Lavdi të përjetshme të rënëve për Liri!

Subscribe në YouTube: GAZETA INFOKUSI