Lajme

Bekim Haxhiu: Përjashtimi nga PDK-ja, nderi më i madh që mund të ma bëjnë

Autori: Gazeta inFokus 21:53 | 14 October 2021

Anëtari i PDK-së, Bekim Haxhiu, i cili tashmë ka dalë publikisht në përkrahje të Bekim Jasharit për kryetar të Skenderajt, kundër Fadil Nurës së PDK-së, ka thënë se përjashtimi nga kjo parti do të ishte nderi më i madh që do të mund t’i bëhej.

Gazetari Xhemajl Rexha në Kanal 10 pati të ftuar Jasharin dhe Haxhiun, ku këtë të fundit e pyeti në se do të jetë prapë në PDK edhe pas zgjedhjeve lokale.

“A do të jeni në PDK pas 17 tetorit?”, pyeti Rexha.

-Advertisement-

“Jam PDK, jam UÇK, jam me Familjen Jashari, jam me Bekim Jasharin dhe do të vazhdoj njëjtë me qenë”, ka thënë Haxhiu.

“A mund t’ju përjashtojë partia pas 17 tetorit?”, u pyet Haxhiu.

“Nderi më i madh që mundet me ma bo është me më përjashtu. Ai është nderi më i madh që mundet PDK-ja me ma ba”, ka thënë Haxhiu.

Pas kësaj deklarate, Bekim Jashari ia zgjati dorën Haxhiut pasi duket se kjo deklaratë i pëlqeu shumë.

Kundër Bekim Haxhiut nga PDK garon Fadil Nura me mbështetje të plotë nga Sami Lushtaku, dega e PDK-së në Skenderaj dhe kryetari e kryesia e PDK-së.

Subscribe në YouTube: GAZETA INFOKUSI
Prince Caffe pjesëmarrës në panairin “Gulfood Fair 2024” në Dubai

Të tjera