Lajme

Bedri Hamza: Pensionet për familjet e dëshmorëve, invalidët dhe veteranët rriten për 50%, u lejohet edhe të punojnë

Autori: Gazeta inFokus 22:16 | 18 December 2024

Kandidati i PDK-së për kryeministër, Bedri Hamza, ka thënë se nuk ka arsye që veteranëve të luftës t’iu mohohet e drejta për të punuar në sektorin privat.

“Pse të mos punojnë ata? Të rrisin të ardhurat e veta, të përmirësojnë mirëqenien e familjes së tyre dhe njëkohësisht të kontribuojnë në buxhetin e shtetit përmes pagimit të tatimeve”, u shpreh Hamza në Click të RTV21.

Hamza premtoi rritje prej 50% për pensionet e veteranëve, invalidët dhe familjet e dëshmorëve, duke theksuar se kjo do të realizohet brenda vitit të parë të qeverisjes së tij.

-Advertisement-

Ai theksoi se familjet e dëshmorëve aktualisht duhet të zgjedhin midis pensionit të moshës dhe atij të dëshmorit, porse kjo praktikë do të ndryshohet në qeverinë e tij.

“Pensionin e moshës duhet ta marrin, sepse e garanton ligji. Ndërsa, atë të dëshmorit e marrin, sepse familja ka dhënë gjënë më të çmuar për lirinë dhe pavarësinë e vendit”, tha Hamza.

Ai shtoi se kjo qasje është vetëm një shenjë respekti nga shteti për kategoritë që kanë dhënë kontributin më të lartë për Kosovën.

Subscribe në YouTube: GAZETA INFOKUSI
Spektakli i Vitit, Ekskluzivisht në Artmotion – BBVK3!
-Advertisement-

Të tjera

Fokusi

lajme