Lajme

Bedri Hamza kritikon vendimin e Speciales: Po minohet besimi i popullit në drejtësi

Autori: Gazeta inFokus 14:21 | 16 Korrik 2025

Kandidati i Partisë Demokratike të Kosovës për kryeministër, Bedri Hamza, ka reaguar pas vendimit të fundit të Gjykatës Speciale në Hagë, duke e cilësuar atë si “shumë zhgënjyes”, shkruan Gazeta Infokus.

Gjykata ka rrëzuar mocionin e përbashkët të mbrojtjes së ish-presidentit Hashim Thaçi, ish-kryeparlamentarëve Kadri Veseli dhe Jakup Krasniqi, si dhe ish-deputetit Rexhep Selimi, për heqjen e disa pjesëve të aktakuzës që, sipas avokatëve, binin jashtë periudhës së konfliktit të armatosur.

Sipas Hamzës, vendime të tilla po dëmtojnë rëndë besimin e qytetarëve të Kosovës në drejtësinë ndërkombëtare.

-Advertisement-

“Sjellja dhe vendimet arbitrare të Gjykatës Speciale po e minojnë besimin e popullit tonë në drejtësi dhe do të lënë pasoja të pariparueshme në sistemin juridik. Ne e kemi krijuar këtë gjykatë si shenjë besimi ndaj aleatëve dhe në drejtësinë ndërkombëtare – jo për të realizuar agjenda politike jashtë çdo logjike juridike,” shkroi Hamza në një postim në Facebook.

Ai theksoi se Kosova nuk do të lejojë që lufta çlirimtare të komprometohet dhe as që historia e saj të rishkruhet përmes një procesi të cilin e konsideron të padrejtë.

“Kosova nuk do të lejojë që lufta për liri e popullit tonë të komprometohet në emër të një balancimi të rremë të drejtësisë. Kosova nuk do të lejojë rishkrim të historisë sonë!”, përfundoi Hamza.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy