Bechtel-Enka kërkon 45 milionë euro, sot vendos Qeveria
Autori: Gazeta inFokus 12:35 | 29 May 2018
Qeveria e Kosovës në mbledhjen e sotme do të vendos nëse do ti paguaj edhe 45 milionë euro shtesë konsorciumin amerikano-turk ‘Bechtel-Enka’.
E gjithë kjo për shkak të zgjatjes së afatit për përfundimin e punimeve në autostradën Prishtinë-Hani i Elezit, dhe dëmeve që ‘Bechtel-Enka’ pretendon se i janë shkaktuar për shkak të vonesave në pagesa nga Ministria e Infrastrukturës,shkruan Infokusi.com.
Fillimisht kompania ka kërkuar pagesë prej 63 milionë euro por pas disa muajsh negociata mes Ministrisë së Infrastrukturës dhe ‘Bechtel&Enkas’ kjo shumë është zbritur në 45 milionë euro.
Zëdhënësja e kompanisë Bechtel-Enka, Ela Ruçi ka konfirmuar për Infokusin se i kanë bërë kërkesë Qeverisë së Kosovës për kompensim të vonesës së punimeve.
Ndërsa ministri i Infrastrukturës, Pal Lekaj kohë më parë ka thënë se zgjatja e punimeve po bëhet për shkak të vonesës së Qeverisë së Kosovës në pagesat për punimet e kryera.
“Pas vonesave të Qeverisë së Kosovës për pagesat e punimeve të kryera nga punë kryesi, Qeveria i është drejtuar të zgjat afatin për përfundimin e punimeve ashtu që Qeveria Haradinaj me 27 shtator 2017 ka nënshkruar aneks kontratën për përfundimin e punimeve deri me 31. 12. 2018”, ka thënë ministri Lekaj.
Ai ka shpjeguar edhe vonesat në pagesa që i janë bërë Bechtel&Enkas nga Qeveria e Kosovës.
“Në vitin 2014 është dashur të paguhen 70 milionë, janë paguar 55 milionë. Vonesa 21 për qind e shpenzimeve të planifikuara. Në vitin 2015 është dashur të paguhen 220 milionë, janë paguar 112 milionë, në fillim të vitit janë alokuar vetëm 90 milionë euro, vonesa është për 59 për qind. Në vitin 2016 është dashur të paguhen 205 milionë euro, janë paguar 155 milionë e 978 mijë euro. Në fillim të vitit janë alokuar vetëm 108 milionë euro. Vonesa është 42 për qind. Këto vonesa kanë shkaktuar vonesa në përmbushjen e detyrimeve të debitorit në këtë rast Bechtel&Enka, me fajin e kreditorit Qeverisë së Kosovës përkundër faktit të mbajtjes diku rreth njëqind takimeve mes Bechtel&Enka dhe Qeverisë së Kosovës dhe ish ministrit dhe zyrtarëve tjerë lidhur me këtë temë dhe kërkesave të kontraktorit për pagesë të vonuara duke e paralajmëruar Qeverinë që do të detyrohet të reduktoj produktivitetin dhe rrjedhshmëri në që zgjat planprogramin e punimeve”,ka thënë ditë më parë Lekaj.
Ndryshe punimet e Autostradës Prishtinë-Hani i Elezit kanë filluar në vitin 2014 ndërsa do duhej të përfundonin me 1 janar 2018. Me shtyrjen e afatit, punimet planifikohen të përfundojnë me 31 dhjetor 2018.(Agnesa Citaku) /INFOKUSI/
Të tjera
-
Taravari: BDI manipuloi me vota joshqiptare
Kandidati për president i Koalicionit VLEN Arban Taravari, pas shpalljes së r...
-
Festa e Frontit Europian, Ahmeti: Ky kapitull u mbyll me sukses, me mbi 40 mijë vota epërsi ne shënuam fitore
Kryetari i Bashkimit Demokratik për Integrim, Ali Ahmeti në festën e fitores ...
-
Valon Syla pas fitores së Osmanit: Kur Albin Kurti të shkojë në plazhet greke, më nuk i bie kah Maqedonia
Analisti Valon Syla tha se kryeministri Albin Kurti ka marrë leksion sonte sa...
-
Shpallet vendimi për mbylljen e TikTok-ut në SHBA
Pasi Kongresi amerikan votoi në favor të projektligjit për mbylljen e TikTok-...
-
Bujar Osmani shpall fitoren, i kërkon Arben Taravarit ta pranojë humbjen
Kandidati i BDI-së nga Fronti Europian për president të Maqedonisë së Veriut,...
-
BDI-ja nisi festën në Sheshin Skënderbeu në Shkup, Grubi: Fitoi UÇK-ja dhe Ali Ahmeti
Një numër i madh i simpatiznatëve të BDI-së janë grumbulluar në Sheshin Skend...
-
“Mbylleni derën, shkoni në shtëpi”- simpatizantët e BDI-së para shtabit të VLEN
Simpatizantët e BDI-së provokojnë përfaqësuesit e VLEN-it të cilët kanë lëshu...
-
Kandidatja e VMRO-së prin në zgjedhjet presidenciale në Maqedoninë e Veriut
Në Maqedoninë e Veriut qytetarët më 24 prill votuan për presidentin e ri të s...
-
Festë me tupana në Tetovë, Fronti Evropian shpall fitoren
Rezultatet e para në zgjedhjet presidenciale në Maqedoninë e Veriut flasin pë...
-
Kurti fton diasporën që të marrë pjesë në regjistrimin online të popullsisë: Jeni shtyllë qendrore e shtetit tonë
Kryeministri i vendit, Albin Kurti ka thënë se Kosova për herë të parë ka fil...
-
Dalin rezultatet në Tetovë
Në komunën e Tetovës deri më tani janë numëruar 61.620 vota nga gjithësej 86....
-
Ky është rasti për të cilin u hakmor i riu që e goditi për vd*ekje 44-vjeçarin në Pejë
Hakmarrja dyshohet se ishte motivi i rastit të rëndë që ndodhi sot në Pejë, k...