Rozë

Bebe Rexha tregon se si përballej me urinë

Autori: Gazeta inFokus 11:12 | 05 September 2019

Përveç talentit, Bebe Rexha njihet edhe për t’i thënë gjërat troç.

Ajo i ka demaskuar hapur drejtuesit e kompanive muzikore të cilët e kanë quajtur “shumë në moshë” për të qenë seksi, apo komente të tjera në lidhje me formën e trupit.

Këtë herë ajo tregon se si kompanitë e regjistrimit të videove muzikore e kanë nxitur të bjerë në peshë në mënyrë ekstreme.

-Advertisement-

“Donin që të humbisja pothuajse 10 kg në shumë pa kohë, dhe unë në atë kohë isha vetëm 59 kg”, thotë Bebe Rexha për “Cosmopolitan UK”.

Rexha tregon se si një nga drejtueset e bënte të shkonte në palestër dy herë në ditë dhe e shoqëronte kur hante: “Nuk po bie mjaftueshëm në peshë”, i thoshte, kur Bebe Rexha ishte ushqyer vetëm me sallatë.

“Detyrohesha të duroja urinë për shumë ditë para se të bëja një video”, thotë këngëtarja amerikane me origjinë shqiptare.