Lajme

BE zyrtarizon sanksionet e reja ndaj Rusisë, çka përmban pakoja e gjashtë?

Autori: Gazeta inFokus 13:21 | 03 June 2022

Këshilli Europian ka miratuar zyrtarisht paketën e gjashtë të sanksioneve kundër Rusisë për shkak të agresioninit të nisur në Ukrainë.

Këshilli Europian është organi më i lartë politik i Bashkimit Evropian, që mbledh së bashku krerët e shteteve ose qeverive të 27 shteteve anëtare të BE-së.

Josep Borrell, Përfaqësuesi i Lartë i BE-së për Punë të Jashtme, tha se paketa e sanksioneve rriti numrin e “kufizimeve të Kremlinit për të financuar luftën duke vendosur sanksione të mëtejshme ekonomike”.

-Advertisement-

“Ne po ndalojmë importin e naftës ruse në BE dhe me këtë shkurtojmë një burim masiv të ardhurash për Rusinë. Ne kemi bërë më shumë ndërprerje nga bankat kryesore ruse nga sistemi ndërkombëtar i pagesave SWIFT. Ne po sanksionojmë gjithashtu ata që janë përgjegjës për krimet e kryera në Bucha dhe Mariupol dhe ndaluam më shumë akterë të dezinformimit që kontribuojnë aktivisht në propagandën e luftës së presidentit Putin”, tha Borrell të premten në një konferencë për shtyp.

Këshilli ka treguar edhe fushat e ndryshme që ka shënjestruar me sanksione:

Embargoja e naftës

De-SWIFTing e bankave shtesë ruse dhe bjelloruse

Transmetimi

Kufizimet e eksportit

Shërbime konsulence

Listimet individuale

Njoftimi për sanksionet erdhi pas një samiti të jashtëzakonshëm të Këshillit Europian të ndjekur nga krerët e BE-së në Bruksel, të hënën.

Subscribe në YouTube: GAZETA INFOKUSI
BKT Kosova hap degën më te re në qytetin e Suharekës
-Advertisement-

Të tjera

Fokusi

lajme