Lajme

BE: Zgjedhjet në katër komuna në veri të Kosovës të organizohen sa më shpejt

Autori: Gazeta inFokus 14:52 | 17 August 2023

Zgjedhjet në katër komunat e veriut të Kosovës duhet të organizohen sa më parë dhe me pjesëmarrjen e plotë të serbëve të Kosovës, në kuadër të përpjekjeve urgjente për qetësimin e tensionit mes dy palëve, është porositur nga Brukseli.

“Kur do të ndodhë varet nga aftësia e të dyja palëve për të përmbushur kërkesat, pra kriteret që u janë vendosur”, ka thënë zëdhënësi për punë të jashtme të BE-së, Peter Stano.

Ai thotë se urgjenca duhet të njihet në terren, nga qytetarët dhe politikanët, transmeton Paparaci.

-Advertisement-

“Gjithçka që bëhet në kuadër të dialogut nuk është për të kënaqur Brukselin apo shtetet anëtare të BE-së apo bashkësinë ndërkombëtare, por për të përmirësuar jetën në Kosovë dhe Serbi, që lidhet me përparimin e mëtejshëm të dy palëve në rrugën drejt BE-së”, ka thënë Stano.

Natyrisht, siç thotë ai, ka një ndjenjë urgjence, ka ekzistuar edhe para përshkallëzimit të fundit dhe është përcjellë te partnerët tanë.

“Prandaj, institucionet e BE-së, 27 vende evropianë dhe partnerët e tjerë, mbi të gjitha SHBA, kanë ndjenjën e urgjencës për të përfunduar hapat e nevojshëm drejt qetësimit të tensioneve dhe kthimit në dialog. Dhe jo për shkak të zgjedhjeve të BE-së vitin e ardhshëm, por që qytetarët e Kosovës dhe Serbisë të përfitojnë prej saj, në mënyrë që të dyja palët të vazhdojnë të punojnë në normalizimin e marrëdhënieve dhe kështu të vazhdojnë. Të dyja palët duhet t’i kthehen dialogut normal dhe të vazhdojnë të punojnë në agjendën e BE-së. Sepse nëse nuk ka përparim në dialog, nuk ka përparim as në integrimin në BE”, ka thënë Stano.

Subscribe në YouTube: GAZETA INFOKUSI
Etiketa:
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…

Të tjera

Fokusi

lajme