Lajme

BE po përgatit sanksione të reja kundër Rusisë për shkak të sulmeve hibride

Autori: Gazeta inFokus 14:32 | 02 October 2024

Sot Bashkimi Evropian ndërmori një hap drejt sanksionimit të Rusisë për një seri sulmesh të fundit hibride dhe sabotuese në të gjithë Evropën, thanë diplomatët për Reuters.

BE-ja dhe NATO-ja kanë akuzuar Moskën se qëndron pas një sërë incidentesh që synojnë destabilizimin e Perëndimit teksa dy palët përplasen për luftën e Kremlinit kundër Ukrainës.

Autoritetet në disa vende të BE-së – përfshirë Gjermaninë, Poloninë, Lituaninë, Letoninë dhe Estoninë – kanë raportuar zbulimin e komploteve ose incidenteve, përfshirë zjarrvënien e planifikuar nga Moska në muajt e fundit.

-Advertisement-

Në një takim të 27 vendeve të BE-së në Bruksel, ambasadorët e vendeve anëtare miratuan krijimin e një kuadri të ri ligjor për të vendosur ndalimin e vizave dhe ngrirjen e aseteve ndaj atyre që janë përgjegjës për sulmet.

Pasi teksti të nënshkruhet zyrtarisht javën e ardhshme, BE-ja më pas mund të shtojë emrat e disa agjentëve ose subjekteve ruse në listën e zezë, thanë diplomatët.

Zyrtarët evropianë thonë se ata besojnë se veprimet e Rusisë kanë për qëllim pjesërisht minimin e mbështetjes për Kievin ndërsa lufta e Moskës zvarritet në vitin e saj të tretë.

Vendet e BE-së me Shtetet e Bashkuara kanë ofruar shumicën dërrmuese të mbështetjes për Ukrainën që kur Kremlini filloi pushtimin e tij në shkurt 2022.

BE ka vendosur tashmë 14 raunde sanksionesh të paprecedentë kundër Rusisë që synojnë të prishin makinën luftarake të Kremlinit.

Në një përpjekje për të frenuar aktivitetet malinje të Moskës, një numër vendesh të BE-së, të udhëhequr nga Republika Çeke, u përpoqën të futnin masa për të parandaluar lëvizjen e lirë të diplomatëve rusë brenda bllokut.

Deri më tani nuk ka pasur asnjë mbështetje të përgjithshme për këtë veprim dhe Hungaria – vendi më miqësor ndaj Moskës në bllokun evropian – së fundmi shqetësoi homologët e saj të BE-së duke lehtësuar rregullat e vizave për rusët.

Subscribe në YouTube: GAZETA INFOKUSI
BKS-ja kërkon nga Institucionet që sigurimi për bujqit të bëhët obligativ
-Advertisement-

Të tjera

Fokusi

lajme