Lajme

BE ‘përzë’ kamionët rus dhe bjellorus. Mjetet ngecin në Poloni, radha shkon 80 km

Autori: Gazeta inFokus 07:45 | 18 April 2022

Një radhë e gjatë kamionësh u krijua në kufirin Poloni-Bjellorusi teksa shoferët rusë dhe bjellorusë përpiqeshin të largoheshin nga territori i BE pas një afati kohor të përcaktuar nga sanksionet e perëndimit.

Në prag të afatit të së shtunës, radha arriti në 80 km, ku shumë prej kamionëve ishin në pritje prej 33 orësh.

BE-ja ka ndaluar kamionët nga Rusia dhe Bjellorusia përveç atyre që transportojnë ilaçe, postë ose produkte nafte të hyjnë ose të qëndrojnë në bllok. Ky veprim është pjesë e sanksioneve për pushtimin rus të Ukrainës.

-Advertisement-

Pamjet me dron të regjistruara nga agjencia e lajmeve Reuters treguan radhë të gjata që mbetën të bllokuara me afrimin e afatit të mesnatës. edhe disa orë pasi kaloi afati, koha e pritjes ishte shkurtuar në 12 orë, tha BBC, me numrin e kamionëve në dy pika kufitare që arrinte midis 230-400 automjete.

Megjithatë, është ende e paqartë se çfarë do të ndodhë me mijëra kamionë të tjerë nga dy vendet të mbetur në zonën e BE, thuhet se një mundësi është se ato mund të sekuestrohen nga autoritetet kombëtare.

BE dhe shumë vende të tjera perëndimore kanë vendosur sanksione ndëshkuese kundër Rusisë dhe aleatit të saj kryesor Bjellorusisë.

Subscribe në YouTube: GAZETA INFOKUSI